Fiosrach faoi SnaG i mbliana? Seo rogha bhreá imeachtaí duit
Dhá bhliain ó shin ba é an sneachta a tháinig le Seachtain na Gaeilge agus i mbliana tá scáth an Choróinvíris le braistint.
Ach níl tada chun stop a chur le spórt na mórfhéile náisiúnta seo chun an teanga náisiúnta a cheiliúradh thuaidh, theas, thoir agus thiar, ar fuaid na tíre agus timpeall na cruinne.
Tá réimse leathan imeachtaí ag titim amach i ngach cúige agus an bhéim ar dhaoine a mhealladh i dtreo na teanga atá acu a úsáid nó í a fhoghlaim is a athfhoghlaim. Agus i rith an ama seo, beidh tú ag baint taitnimh as!
SRUTH NA TEANGA
Seo stair na Gaeilge mar nár shamhlaigh tú riamh í, léirithe le samhlaíocht agus fuinneamh ag an gcompántas Branar mar chuid d’imeachtaí Ghaillimh 2020 do Sheachtain na Gaeilge.
INIS IRON MEÁIN
Más fearr leat rith maith ná ... rud ar bith eile, is ar Inis Meáin a bheidh do thriall don ócáid spóirtiúil seo. Tá rogha 5k, 10k agus 12k ar fáil. Tá tuilleadh eolais ar www.inisironmeain.com
14 Márta, 12.30in
GAELGÁIRÍ
Más maith leat na scéalta grinn greannmhara agus dána, seo an áit le bheith le haghaidh oíche shiamsaíochta den scoth le fuirseoirí atá níos fearr ná ‘The Joker’. Beidh pian i do bholg ón ngáirí go léir.
13 Márta, 9-10in
FÉILE SCOILDRÁMAÍOCHTA CHEATHARLACH
Tá sé seo ar cheann de na mórócáidí ar an bhféilire scoile nuair a bhíonn deis ag daltaí scoile a dtallann a léiriú ar an ardán.
4 Márta, 10rn-3in
FAOI NA RÉALTA
Le linn Sheachtain na Gaeilge ar fad, beidh deis ar leith agat camchuairt Ghaelach a fháil timpeall an réaltchórais sa Réadlann seo i gcathair Chorcaí.
1-17 Márta, 11rn-5in
SLÁINTE NA NGAEL: SUPER CÉILÍ
Is cinnte go raibh tú ag céilí le linn do shaoil - ach an raibh tú ag Super Céilí? Seo an banna ceoil a chuireann fuinneamh nua sa tseanchlasaic agus is cinnte nach raibh tú ag céilí mar seo le linn oícheanta na gColáistí Samhraidh.
13 Márta, 8in