Құрметті «Эйр Астана» жолаушысы!
Сіз және сіздің отбасыңыз ұзақ та ыстық жаздан ләззат алып, тынығып, күш жинап, күнге аса қатты күймей, жұмысқа оралдыңыздар деп сенемін. Астанадағы ЭКСПО көрмесіне барып, көптеген қызықты объектілер мен шоуларды тамашалау мүмкіндіктеріңіз болды деп үміттенемін (егер сіз осы журналды 12 қыркүйекке дейін оқып отырсаңыз, сіз әлі де көрмеге барып үлгересіз). Мен және менің отбасым ЭКСПО-ны сағынатын боламыз, өйткені жас шамасына қарамастан, әркім бұл жерден өзі үшін қызықты нәрсесін тапты. Біз көрме аумағын халықаралық қаржы орталығына айналдыру идеясын қолдаймыз, сонымен қатар, Дубайдағы «Бүкіләлемдік деревня» сияқты, «Астана Бүкіләлемдік паркін» құрып, көрменің кейбір объектілерін сақтау мүмкіндігі болар ма екен деген сұрақ туындайды.
Осы нөмірде біз тамаша тағамдарынан және жанға жайлы тыныштығынан ләззат ала отырып, керемет жайлы ахуалда саяхатқа аттануға болатын жағажайларымен және су айдындарымен атағы шыққан, Үндістанның оңтүстік-батысындағы Керала провинциясы туралы әңгімелейміз. Жақында біз Алматыдан Делиге жасалатын күнделікті рейстерге Астанадан аптасына үш рет ұшатын рейстерді қосып, Үндістанға ұшу жиілігін ұлғайттық.
Бұл рейстердің Мәскеуге, Санкт-Петербургке және Ресейдің басқа да қалаларына ұшатын рейстермен тамаша тоғысулары бар, біз өзіміздің қазақстандық, ресейлік және үнділік жолаушыларымызды ұшу сапарларымыздың жаңа кестесін бағалауға шақырамыз. Делиде сіз ел ішінде, соның ішінде Кераланың басты қалалары – Тривандрум мен Кочинге саяхаттау үшін Air India және IndiGo рейстерімен қолайлы тоғысуларды пайдалана аласыз.
Өткен айда біз алғашқы қазақстандық Schools Challenge жарыстарына қуана қолдау көрсеттік, олардың қорытындысы бойынша 36 жоғары сынып оқушысынан тұратын топ Лондонға билеттерді жеңіп алды, олар онда құрамына әлемдегі таңдаулы авиациялық факультеттердің бірі кіретін Крэнфилд Университетіне қысқа мерзімді жазғы курстардан өтуге барады. Біз болашақта осы балалардың қайсыбіреуін компаниямыздың қызметкерлері қатарынан көруге мүдделіміз. «Эйр Астананың» әуе компаниясын дамытумен байланысты өршіл жоспарлары оның штаты жоғары білікті ұшқыштармен, инженерлермен, сервис қызметтерімен және әкімшілік персоналмен кеңейген жағдайда ғана іске асады. Біздің компаниямыз әрқашан ең үздік жұмыс берушілердің қатарында болды және біз Try On A Dream атты рекрутингтік науқанымыздың өз өмірін қызықты да күрделі авиация әлемімен байланыстырғысы келетіндерді тарта алатындығына сенім білдіреміз.
«Эйр Астанамен» ұшу сапарларыңыз жайлы болсын!
Құрметпен,