Аңызға айналған прованстық тағам
ТМД көптеген тұрғындары Провансты майонезбен сабақтастырады. Ендеше былай: егер сіздер Прованста болмасаңыздар, онда нағыз майонездің не екенін білмейсіздер. Жұмыртқаның табиғи дәмі бар, ақшыл-сары түсті соустың біз салатқа қосып жүрген майонезден айырмашылығы жер мен көктей, олар ешқандай салыстыруға келмейді. Бірақ Прованс тағамдары тек майонезден тұрмайды. Оның үстіне, олар соншалықты бірегей, сондықтан жеке әңгімелеуге әбден лайық.
Жергілікті тұрғындардың сүйікті тамағы — буйабес, ол бұрынғы КСРО кеңістігінде марсельдік балық сорпасы ретінде танылған. Шын мәнінде осы сорпаның балық сорпасымен бір-ақ ұқсастығы бар — оны да балықтан дайындайды. Басқасында ол — бірегей гастрономиялық туынды! Буйабесті теңіз балықтарының бірнеше түрінен дайындайды, әрі Прованстың әр қаласында буйабестің өзіндік ерекше рецептін ұсынады. Өте қою сорпаны қуырылған багет кесектерімен, сарымсақпен және арнайы соуспен қосып береді. Оны жеу рәсімі де өзгеше: қуырылған нанға сарымсақ, соус жағады да, тәрелкеге салады, содан кейін үстіне сорпа құяды. Тағам өте дәмді және тойымды, бірақ міндетті түрде екінші тамаққа орын қалдырыңыздар, өйткені Прованс — өзінің бірегей теңіз өнімдерімен танылған өңір.
Прованста болғандарыңызда, cigale de mer — аю-шаяндар ұсынылатын ресторанды табуға тырысыңыздар, олар таңдаулы және өте сирек кездесетін теңіз өнімдерінен жасалған жеңсік тағамға жатады. Сіздер оның жағымсыз сыртқы түрінен қорықпаңыздар: тірі кездерінде олар бұдан да қорқынышты көрінеді. Бірақ дайын күйінде бұл — керемет тамақ, тамақ талғағыштардың бағалауы бойынша, олар тіпті омарлардан да дәмді екен.
Әрине, осы гастрономиялық таңғажайып дәмнен кейін тек жергілікті шарапты ғана ішу қажет. Жүзімдіктер мұнда өнеркәсіптік