Құрметті «Эйр Астана» жолаушысы!
11 мамырдан бастап ішкі рейстер қалпына келтірілгеннен кейін бізбен бірге ұшқандардың барлығы әуежайларда және бортта COVID-19 жұқтыру қаупін барынша азайту мақсатында клиенттер үшін де, персонал үшін де енгізілген процедуралар туралы өз тәжірибелерінен біледі. Сіздер бізден заңды түрде күтетін қызмет көрсетудің жоғары стандарттарына қауіп төндірмеу, сонымен қатар, IATA ұсынымдарында да қамтып көрсетілген барлық қажетті санитарлық нормаларды қатаң сақтау үшін қолдан келгеннің бәрін жасадық.
Заманауи ұшақ салонындағы ауа әрбір
2-3 минут сайын жаңартылып тұрады, ауаны баптау жүйелері ондағы барлық бөлшектердің 99%-дан астамын ұстап қалатын НЕРА сүзгілерімен жабдықталған. Сол себепті
Air Astana мен Flyarystan қолданатын заманауи ұшақтарда әуе кемесінің салонындағы жағдай қауіпсіз болып табылады, сонда да болса, мен сіздерді санитарлық талаптарды, әсіресе маска киюге қатысты талаптарды қатаң түрде сақтауға шақырамын. Оның өз иесін ғана емес, сонымен қатар, жақын маңдағы басқа адамдарды да қорғайтындығы анық. Сондықтан сапарластарымыздың, қызмет жеткізушілерінің, өзіміздің және отбасыларымыздың денсаулығын қорғау үшін барымызды салайық.
Мен осы жолдарды жазып отырғанда, көптеген халықаралық рейстер әлі де тоқтап тұр, алайда сіздер мұны оқитын кезде бірнеше елде ұшу сапарларын қалпына келтіруге рұқсат беріледі деп үміттенеміз. Егер бұл солай болса, жұмыс шаруаларымен болсын, демалысқа болсын — қайда ұшсаңыз да, мен сізге жағымды және қауіпсіз саяхат тілеймін. Егер сіз Қазақстанға бет алсаңыз немесе осы жерде тұрсаңыз және биылғы жылы шет елге шықпайтын болып шешсеңіз, сізде жазғы демалыс нұсқалары жетіп артылады. Менің гиропланмен (жолаушы ретінде) айбынды Тяньшань бөктерлеріндегі қарағайлы алқаптардың, Алматы маңындағы Қаскелеңнің үстімен, одан батысқа қарай ұшқаным есімде. Сізге тіпті Нера-сүзгілердің немесе ауаны тазарту жүйелерінің де еш қажеті болмайды, өйткені гироплан — Орталық Азиядағы таулы өлкенің бүкіл әсемдігін тамашалауға болатын үсті ашық ұшу аппараты.
«Эйр Астанамен» сапарларыңыз сәтті болсын! Құрметпен,
«Эйр Астана» әуе компаниясының президенті