Songulun momuruan parti pulitik pinalabus

Utusan Borneo (Sabah) - - Kadazandusun -

KOTA KINABALU: Songulun momuruan parti pulitik Sabah ih pinonguwungungan montok monulung ponoriukan kes kokomoi pinongusutan kousinan RM180 riong kikompitan projik labus kakadaian id pogun diti pinalabus koniab.

Kusai kiumur 46 toun dilo pinalabus miampai jominan Tinan Monorina Pomunsaan Susuap Malaysia (SPRM) miampai jominan kousinan RM50,000 aiso ‘deposit’ om duo tulun panjamin id doumbangan Majistret Cindy Mc Juce Balitus.

Prosiding dilo pinapanau id iso lamin pongusapan misosondiri, hiti om SPRM linansanan Luyar Mangadawa Mohd Faliq Basiruddin.

Pogului diti, tulun dino nokomoi pinonguwungungan solinaid limo tadau mantad podi tadau Kolimo nakatalib, om kalapas dilo pinonguwungungan diolo noputan kawagu tolu tadau tuminimpuun tadau Koduo nakatalib, pogului pinosuang doid Lamin Pongusapan KPJ Damai sabap do okurangan waig idsuang tinan om akawas raha.

Kusai dino nokomoi pialatan turu ih tinaan gisom baino diti montok monulung ponoriukan kokomoi pinongusutan kousinan projik labus kakadaian kiginumu RM180 riong ilo nopo nga wookon mantad RM1.5 bilion kousinan ih piaga-aga do pinongusutan id iso komontirian.

Kousinan RM1.5 bilion dilo nopo nga wookon koobian koporintaan longkod maya do iso komontirian kiginumu RM7.5 bilion montok papanau do projik labus kakadaian id Sabah montok timpu 2009 gisom 2015. -Bernama

Majistret Cindy Mc Juce Balitus (duo, wanan) ontok luminabus mantad natadon Walai Pongusapan Tabaal Damai, Kota Kinabalu, koniab.

Newspapers in Malay

Newspapers from Malaysia

© PressReader. All rights reserved.