Mogiigizon Tanjong Aru Labuan poinsungod disan podtuongisan

Utusan Borneo (Sabah) - - Kadazandusun - VOOKON mogiigizon mogiiboboos doid disan daat ontok minsosodop

Di HENRY BATING LABUAN: Mogiigizon Kampung

Tanjong Aru doiti poinsungod do disan daat montok monoguvang kapaagatan tikid tadau kaampai no modtuongis.

Di ontok kinotombuhuzan doid kampung diho di kavavagu, pinopointahang ih songuhun mogiigizon, Muhamad Yan do hamin ngavi doid kampung diho nopo nga notimung doid disan daat.

“Doiti no izikoi mogium kopooposizon om doiti zikoi nogi do modtuongis magandad tutumombuhui,” ka dosido.

Doid kinoizonon diho kivaa hongkod pangakanan suang daat pinunganan do Anjung Ketam om kivaa nogi hinimput pomoinan daat.

Sundung po do ingkaa ka dosido, ogumu nogi

SALIM (poingkakat kohimo gibang) miampai sontinimungan mogiigizon Tanjong Aru.

mogiigizon doid kampung diho do poingkalaja doid pomounan mogiisusuvai komponi om nogi koupisan polinta.

Ontok kinotombuhuzan diho, nokoikot ih Huguan Monoina Parti Warisan Sabah Labuan, Salim Abdul Rahman do minooi poimagon do pisintoguan daat.

Pikiikio tohu ngoopod mogiigizon minamung do pisintoguan diho om do naamot pikiikio po vagu do duvo ngoopod mogiigizon nokoikot do minooi sasi.

Agazo kahansanan di Salim do kaanu daa mogiigizon doid kampung diho popotihombus do kapaagatan tavasi montok mogiigizon kampung ngavi.

Doid kampung diho nga ogumu nogi tombuhui koikot ontok tikid minsosodop mongoi akan do nansakan asil daat ih oukab gisom tanga sodop.

Newspapers in Malay

Newspapers from Malaysia

© PressReader. All rights reserved.