Richahka agi pengerami Hari Malaysia ba sekula, ku Sikie

Utusan Borneo (Sarawak) - - Berita Iban -

BINTULU: Rayat ba bagi menua tu dialau meretika buah merdeka ke udah diasai sekumbang lebih 50 taun.

Menteri Muda ba Opis Kepala Menteri (UndangUndang enggau Adat Bumiputera), Datuk John Sikie Tayai madah, pengerami hari merdeka patut dirami ba genap renggat dike a ngelai ingatka menua udah nyapai merdeka.

“Aku chukup bebasaka pengawa ke udah digaga genap orang ti ngambi nyambut hari merdeka laban nya ulih dikena ngenegap agi pemereti ati enggau semangat patriotik,” ku iya.

Iya madah munyi nya rambau bejadika Hari Malaysia Renggat Sekula Sekondari (SMK) Tatau 2017 ke diatur ba Padang Bola Keranjang SMK Tatau, kemari.

S e r a y a m a d a h k a pengerami ke disambut baka tu endang engkeman enggau maya iya, Sikie mega ngarap pengerami Hari Malaysia ulih disambut enggau richah agi ba taun dudi awakka genap staf sekula bela bekunsika pengaga ati enggau bala anak merdeka.

“Semua piak patut ngambi bagi ba semua aktiviti awakka dipeda richah agi sereta ngempuruka semua bansa ti mandangka sida bela gaga sereta nadai penanggul begulai,” ku iya.

Berebak enggau nya, Sikie mega bisi ngemendarka agih belanja RM50,000 ungkup pengawa ngaga trek padang SMK Tatau.

Sama bisi datai Penghulu Sanok Magai, Pengetua SMK Tatau, Peter Use Lenjau enggau Kepala Pengajar Sekula Primari (SK) Tatau, Janudin Ab Rahman.

Newspapers in Malay

Newspapers from Malaysia

© PressReader. All rights reserved.