Pekit Pakayan Beragam ngerichah Pengawa Nutup Bulan Merdeka 2017 SK Semerah Padi

Utusan Borneo (Sarawak) - - Berita Iban -

KUCHING: Urung 200 iku nembiak Sekolah Kebangsaan (SK) Semerah Padi nyereta Pekit Pakayan Beragam beserimbai enggau Pengawa Nutup Bulan Merdeka 2017 sekula nya, ti ngena ‘tema’ gari menira Sarawak enggau Malaysia.

Kepala Pengajar SK Semerah Padi, Ismail Ibrahim madahka diri gaga enggau temegah ati meda sukung enggau sambut ti chukup manah ari bala nembiak enggau bala pengajar nyerumba ngintu bulan kemerdekaan.

“Aku meda apai indai nembiak amat landik nyait pakayan beragam anak baka ke mayuh dipeda sehari tu (Hari Lima).

“Pengajar mega ngambi awak ngena seraya ngayanka pakaian beragam ke digaga diri empu.

“Lalu penyeretaan ba tiap acara ke dipekitka amat manah sereta meri peransang lalu aku ngarapka taun ke dudi hari ila, lebih mayuh penyereta enggau pekit diatur kitai,” ku iya lebuh bejaku ba pengerami sekula nya, kemari.

Berebak enggau nya iya meri puji sereta enggau terima kasih ngagai Panitia Sejarah ti udah ngemujurka program nya sereta kelimpah ari ke meri puji ngagai bala pemenang.

Semanjai sebulan program kemerdekaan diatur, mayuh pekit diatur renggat sekula nya empu baka pekit nyura, belagu lagu patriotik, pekit ngias kelas, deklamasi sajak enggau pekit pakayan beragam ke diatur ba hari besai kemari.

Kelai nutup Bulan Kemer- dekaan 2017 SK Semerah Padi, Ismail udah madamka suis kipas ke dikena ngepaika menira semanjai bulan merdeka.

NERIMA SUKUNG: Bala nembiak ke ngambi bagi ba pekit pakaian beragam ke dijait ari menira Malaysia enggau Sarawak, kemari.

NGAMBI BAGI: Entara bala pengajar ke sama ngena pakian berangam dijait ari menira Malaysia enggau Sarawak.

TEMEGAH ATI: Ismail begulai enggau bala nembiak.

KE ALBUM: Macham gaya pengajar.

Newspapers in Malay

Newspapers from Malaysia

© PressReader. All rights reserved.