Kimpin Meri Darah diatur Kelab KTS chukup mujur

Utusan Borneo (Sarawak) - - Berita Iban -

SIBU: Kimpin Meri Darah ke diatur Kelab KTS beserimbai enggau Hari Malaysia ba Star Mega Mall ditu kemari chukup mujur.

Chairman komiti pengatur Yiau Dee Ming madah, kimpin ke diatur nya sebagi ari program ninting taun Kelab KTS.

“Kimpin tu diatur piak kami maya 16 September ninting taun.

“Kelimpah ari nya tu mega dikena kami nyaup bank darah Sepital Sibu bulih stok darah,” pia ku iya maya berandau enggau pengarang berita.

Iya madah, kimpin nya berengkah 9 pagi nyentuk 2 lemai lalu tebuka ngagai semua mensia mayuh ditu kelimpah staft Kumpulan Syarikat KTS empu.

Yiau mega madahka kimpin sida bela nerima sukung ari piak bukai.

“Terima kasih ngagai Shell enggau Yeo’s laban udah enggau kami ngemujurka agi kimpin tu,” ku iya madah baru.

Kelvin Lau ngarika Sapit Direkter Urusan Kumpulan Syarikat KTS Temenggong Dato Vincent Lau Lee Ming sama bela datai maya tu kelai nyukung kimpin nya.

Kelimpah ari iya, Chairman Kelab KTS Benny Lau mega bisi datai.

Newspapers in Malay

Newspapers from Malaysia

© PressReader. All rights reserved.