MPB, pekebun diperansang ngangkatka kualiti lada S’wak

Ngambika nama lada Sarawak majak tebilang laban kualiti lada Sarawak entara ti pemadu manah di dunya

Utusan Borneo (Sarawak) - - Berita Iban - Dikarang Rengenyan Labang

KUCHING: Opis Lada Malaysia enggau pekebun lada diperansang terus ngangkat enggau ngenegapka agi lada ti bekualiti enggau berega tinggi, awakka nama lada Sarawak terus tebilang di dunya.

Menteri Kebun Bedandang Besai enggau Komoditi Datuk Seri Mah Siew Keong madah, ke diatu Malaysia nyadi pengeluar lada ti ke-5 pemadu besai di dunya.

Nitih ku iya, pemesai kebun lada di Malaysia dipelabaka manggai 17,100 hektar enggau penyampau asil ke dikeluarka 31,000 tan metrik ba taun 2017.

Dalam taun 2016, kebun lada ti pemesai 16,768 hektar di Malaysia udah ngeluarka asil sepenyampau 29,245 tan metrik.

“Kitai ukai dekaka kuantiti tang juluk kitai deka nyadika lada Sarawak sereta Malaysia nyadi pengeluar ti tebilang ari sukut bekualiti sereta berega tinggi sereta teknologi.

“Lebuh penemuai aku ke menua Vietnam apin lama, sida iya madahka kualiti lada Sarawak entara ti pemadu manah di dunya,” ku iya.

Mah mansutka pekara nya lebuh ti bejaku seraya bejadika pengerami ngintu genap 10 taun Opis Lada Malaysia (MPB) ditumbuhka enggau Pesta Lada 2017 ke diatur MPB ba sebuah hotel ditu, kemari.

Nambahka nya dalam aum pengarang berita, iya madahka opis menteri arap bendar MPB ulih ngangkatka industri lada menua ngagai renggat ti tinggi agi nengah program enggau aktiviti ti mungkur semua pekara.

Sukung tegap ari perintah besai nyengkaum perintah nengeri enggau raban pekebun mit lada ti meransang mayuh agi raban ke dijuluk

Kitai ukai dekaka kuantiti tang juluk kitai deka nyadika lada Sarawak sereta Malaysia nyadi pengeluar ti tebilang ari sukut bekualiti enggau berega tinggi sereta teknologi. Datuk Seri Mah Siew Keong Menteri Kebun Bedandang Besai enggau Komoditi

chakah nanam lada mega dipelaba ulih mantu MPB ngangkatka industri nya.

“Opis Menteri ( MPIC) enggau MPB udah nempa mayuh pekebun mit enggau orang dagang komoditi lada di Malaysia lalu pengawa nanam lada nya ulih ngasilka penatai pemisi ti tinggi ngagai pekebun nyema dipejalaika enggau manah sereta pintar.

“Piak perintah mega deka terus meri bantu ari segi input betanam betupi sereta bantu bukai ti senipak enggau bantu ke ulih ngelempungka penusah ti ditapi pekebun lada mit ketegal ungkus ti kelalu tinggi.

“Di baruh RMK-11, opis menteri udah ngungkupka bantu belanja pemansang sepenyampau RM40.9 juta ke tuju ngaga Palan Pemansang enggau Pengerembai Industri Lada Menua ke benung dipejalaika di Semenggok ditu, “ku iya seraya madahka nya entara penyulut ke dipejalaika MPB sekumbang 10 taun ke udah.

Kelimpah ari nya lebuh ke ngenang pasal Pesta Lada 2017, Mah madahka tuju nya diatur dikena ngerami eng- gau meri gelar ngagai pemeri pekebun mit lada di serata menua ngagai pemansang ekonomi menua.

“Aku ngarapka Pesta Lada tu ulih diatur baru dudi hari ila dikena ngerami enggau ngenang pemendar pekebun lada ti mega sama mantu mai penyulut ngagai Malaysia nyadi pengeluar lada ke-5 dunya.

“Pesta lada tu mega dikearapka ulih nyadi pelasar MPB meri kelala sereta ngelakuka agi industri lada di menua tu ngagai mensia mayuh sereta renggat antara bansa.

Sama bisi datai Sapit Menteri Perusahaan Perladangan dan Komoditi Datuk Datu Nasrun Datu Mansur, Sapit Kepala Menteri ti mega Menteri Betanam Betupi Moden, Tanah Adat enggau Pemansang Kandang Menua Datuk Amar Douglas Uggah Embas, Chairman MPB Tan Sri William Mawan Ikom, Ketuai Direktor MPB Harry Entebang enggau ke bukai.

NAMA BERITA?: (Ari kanan) Mah, Mawan enggau Uggah betabi seraya nanyaka berita bala pekebun enggau orang dagang lada ke bisi datai ngulu pengerami ngintu genap 10 taun MPB ditumbuhka enggau Pesta Lada 2017, kemari.

UDAH TEMBU: John (tengah) nunjukka dinding entara ngabas pendam enggau tanah ti diisi begulai enggau bala kaban komiti, apin lama ke udah.

Newspapers in Malay

Newspapers from Malaysia

© PressReader. All rights reserved.