Gerawat udah nyuaka geran RM163,480 ngagai 10 bengkah NGO

Utusan Borneo (Sarawak) - - Berita Iban -

MIRI: Kaban Kunsil Nengeri (ADUN) Mulu Datuk Gerawat Gala udah nyuaka geran Projek Mit Pemansang Menua Pesisir (MRP) sepenyampau RM163,480 ngagai 10 bengkah serakup.

Penerima geran tu nyengkaum Komiti Gawai Dayak Bagi Menua Miri, Serakup Ragbi Bagi Menua Miri, JKKK Kampung Bued Main Beruh, JKKK Bario Asal Lembaa, PIBG SMK Temenggong Datuk Lawai Jau, BEM Missions Work, Serakup Indu Padang Pasir, Komiti Ngatur Pengawa Pemansang Sitak SAN, JKKK Kampung Kuala Tutoh, Baram enggau Serakup Besai Pemerita Sarawak.

Pengawa nyuaka geran udah diatur ba sebengkah hotel tebilang ditu.

Sama bisi datai Pemesai Khas Datuk Gerawat, Harry Harold, Presiden Serakup Besai Pemerita Sarawak, Andy Jong sereta bala pengari gempung ke bukai.

Datuk Gerawat dalam jaku dipansutka iya nangkan bala penerima ngena geran nya ungkup aktiviti enggau program sida ti dkea pulaika pemaik ngagai bala komuniti.

Ku iya, pekara tu beguna endar ke alai geran nya ulih mantu serakup bejalaika aktiviti tauka projek sida ti nguntungka rayat.

Pia mega ku iya, iya deka terus ngagihka geran ngagai semua genturung pendiau enggau rumah panjai di sitak nya nitihka peminta sida.

KE PEMAIK KOMUNITI : Datuk Gerawat (empat kiba) begulai enggau bala penerima geran.

Newspapers in Malay

Newspapers from Malaysia

© PressReader. All rights reserved.