Penyampau Penghulu dalam sitak Macham patut ditambah

Utusan Borneo (Sarawak) - - Berita Iban -

KUCHING: Penyampau Penghulu dalam sitak Machan patut ditambah beduduk ari penyampau tubuh mensia ti nambah.

Allan Siden Gramong (BNMachan) madah, peminta ba penambah penyampau penghulu nya mungkur penghulu bansa Iban enggau Rajang/ Melanau.

Nitih ku iya, diatu dalam sitak nya semina bisi empat iku penghulu bansa Iban lalu nadai penghulu ungkup raban bansa Rajang/Melanau.

“Aku minta ngambika bisi tiga iku penghulu baru ba sitak tu.

“Kandang endur ke patut bisi penghulu baru iya nya kandang menua Majau/Mam/ Batu Luking ke bisi urung 28 buah rumah panjai lalu ke diatu dijaga seiku penghulu ke mega nyaga 38 buah rumah panjai ke bukai.

“Penghulu ke bisi diatu nya nyaga 78 rumah panjai. Nya alai kami bepenemu ngambika dibagi dua lalu nambahka penyampau pen- ghulu,” ku iya.

Allan mantai sereta minta nya lebuh bejuraika Rang Undang-undang Perbekalan (2018),2017 enggau mosyen ke dibantaika kepala menteri, maya Aum Kedua Penggal Kedua Aum Kunsil Nengeri Sarawak Ke- 18 ti diatur ba Kompleks DUN ditu, kemari.

Nambahka nya, iya madahka Kpg Bedil iya nya palan pengentap pendiau Rajang/Melanau lama. Raban bansa diatu dikangau Kanowit enggau penyampau urung 400 - 500 iku peranak.

Ku iya, raban bansa Kpg Bedil bisi jaku, asal enggau adat kediri empu, lalu sida enda nerima penghulu bansa Iban tauka Melayu ke nyaga hal bekaul enggau jalai pengidup sida.

“Nya alai aku ngasaika endang amat patut raban bansa tu patut bisi ketuai raban bansa sida empu.

“Kelimpah ari nya pasar Kanowit mega begunaka seiku penghulu ungkup raban bansa Iban ke diau ba pasar sereta rumah panjai ke besemak. Chukup mayuh raban bansa Iban ke diau ba pasar enggau ke semak nya. Nya alai aku minta seiku penghulu ungkup kandang pasar Kanowit,” ku iya.

Berebak enggau tu Allan mega minta perintah ngaga jalai ba Ulu Poi ke bisi 11 buah rumah panjai enggau sebuah sekul primaryienggau Ulu Machan ke bisi enam buah rumah panjai sereta sebuah sekula primari ke lalu bedau bisi jalai.

Taja pia bekaul enggau jalai Ulu Poi ku iya, Menteri Muda Perengka Pengangkut bisi meri timbal positif enggau komitmen ke alai projek nya deka dipejalaika pun taun baru lalu nya berita manah ngagai mensia ba mayuh kandang menua nya.

“Jalai alun tu besai amat guna kelebih agi ngagai peranak menua pesisir baka sitak Machan, laban jalai tu muka peluang sereta ngemujurka aktiviti ekonomi.

Newspapers in Malay

Newspapers from Malaysia

© PressReader. All rights reserved.