JTK, MDEC, e-Rezeki ngatur ‘Karnival Pekerjaan Digital’ kena 18 Nov

Utusan Borneo (Sarawak) - - Berita Iban -

MIRI: Opis Orang Gawa (JTK) Sarawak enggau kerejasama Malaysia Digital Economy Corporation (MDEC) sereta e-Rezeki deka ngatur ‘Karnival Pekerjaan Digital’ kena 18 November tu bepalan di ringkat 7, Hotel Meritz Miri.

Program tu deka berengkah ari pukul 10 pagi nyentuk pukul 10 malam dikena mantu sida ti ngiga kereja ngambika bulih kereja nengah chara digital tauka bekereja nengah ‘on-line’.

Berebak enggau nya, iya nyadi siti ari pelin aktiviti ti diperambu di baruh Program e-Rezeki ba pengawa nyapai tagit 1,700 iku pesereta.

Pesereta ke datai deka diberi penerang bekaul enggau eRezeki ari Palan e-Rezeki Kota Samarahan sereta rejista nengah online enggau nadai bebayar.

Bala sida mega deka diberi latih enggau embing ari pematih ti bepeneleba, lalu tau mansutka penatai pemisi ba renggat dunya.

Sida ke bisi ati meseti beumur 18 taun enggau tuai agi sereta abis nadai ngembuan telefon pintar, komputer tauka komputer riba bisi internet.

Tama nadai bebayar sereta nadai tatak, sida ke ngiga kereja tau sampal datai di Dewan Rafflesia ringkat 7, Hotel Meritz Miri.

Newspapers in Malay

Newspapers from Malaysia

© PressReader. All rights reserved.