Kemayuhka agi promosyen dikena matak temuai ngagai Taman Negara Gunung Gading

Utusan Borneo (Sarawak) - - Berita Iban -

KUCHING: Sarawak Forestry Corporation (SFC) dilalau ngemayuhka agi publisiti dikena matak penatai mensia mayuh enggau temuai ari menua luar ngelawa Taman Negara Gunung Gading sebaka enggau promosyen matak penatai mensia mayuh sereta temuai ngagai Taman Negara bukai.

Kaban Kunsil Nengeri ( ADUN) Tanjung Datu, Datuk Amar Jamilah Anu madah, iya bisi ngaga banding bekait enggau penyampau temuai ke ngagai Taman Negara Gunung Gading, Tanjung Datu enggau Bako (banding enggau taun 2015, 2016 sereta bulan Oktober 2017).

Ku iya, penyampau temuai ke ngagai Taman Negara Bako dibanding enggau Gunung Gading dalam taun 2015, 2.5 kali lipat, 2016 (2.7 kali lipat) lalu 2017 (2.9 kali lipat).

“Ambika chunto, penyampau temuai naka bulan Oktober 2017 ke ngagai Taman Negara Bako bisi 51,520 iku, lalu Gunung Gading naka 17,294, ke dipelabaka dilawa bala nembiak sekula di Lundu,” ku iya.

Jamilah madah munyi nya lebuh nimbal Bajet 2018 ba Aum Kunsil Nengeri ditu, kemari.

Dibanding enggau Tanjung Datu ku iya, temuai ke ngagai Bako, 52 kali lipat dalam taun 2015, 45 kali lipat (2016) sereta 38 kali lipat (2017).

“Ari statistik tu, kededua buah Taman Negara dalam sitak Lundu nadai nerima penyampau baka ke di Bako, sereta beratika penyampau nya di Taman Negara majak nambah.

Ku iya baru diambika chunto, Taman Negara Gunung Gading, SFC patut ngemayuhka agi publisiti sebedau bunga Rafflesia nya bebungai ngambika bala temuai merambu maya sida ke patut datai kia, ku iya.

“Bungai Rafflesia nyadi pematak temuai ngagai endur nya kelimpah ke bisi ba Gunung Gading.

“Aku ngarapka opis pengatur di Taman Negara nya bisi pengelandik sereta penemu dalam pekara tu. Pelaba aku, enda salah dalam prosedur perintah tauka SFC ngaga publisiti sentang produk dagang temuai ba Taman Negara nya,” ku iya seraya minta perengka guna ba kededua taman negara nya digaga manah agi.

Newspapers in Malay

Newspapers from Malaysia

© PressReader. All rights reserved.