SK Batu 36 deka ngatur Lumba, Main PIBG kena 16-18 November

Utusan Borneo (Sarawak) - - Berita Iban -

SIBU: Sekula Primari (SK) Batu 36 Selangau deka ngatur Lumba enggau Main Gerempung Apai Indai enggau Pengajar (PIBG) sekula nya berengkah pagila ( 16 November) nyentuk 18 November tu.

Nitihka penerang ke diterima ari sekula nya, program ke diatur tiga hari berunggu tu deka disempulang enggau macham bengkah program enggau pengawa beperindang.

Kenaka pagila, pengerami tu deka dipungkal enggau ‘senamrobik’ ke digulu bala pengajar, apai indai enggau bala nembiak sekula nya.

Nangkan ke nya pekit ke bukai deka diatur baka batak tali, sukaneka, belanda 100 meter enggau belanda 4 x 100 meter.

Kelimpah ari nya, muak ke malam, sekula tu bela bisi ngatur pekit belagu ‘Tamin Idol’ enggau ‘Suara Mas’.

Kena 17 November, program ditandu enggau pekit futsal, main takraw lalu ditampung baru enggau panggau pemerindang ari artis menua tu, pekit Keling enggau Kumang (nembiak mit) sereta ‘Suara Emas’.

Kaban Kunsil Nengeri (ADUN) Tamin Ir Christopher Gira Sambang deka dipebasa bejadi pengawa nutup pengerami nya kena 18 November.

Maya tu, pekit ke penudi futsal enggau takraw deka diatur lalu pengawa nyuaka perais deka digaga kelai nutup pengerami.

Mensia mayuh ti besemak endang dikelaluka datai magang ngerichah agi pengerami sekula tu.

PENGERAMI LUMBA ENGGAU MAIN PIBG SK BATU 36, SELANGAU

Newspapers in Malay

Newspapers from Malaysia

© PressReader. All rights reserved.