Perintah PH patut ngemanahka agi servis penerebai bilun Sibu
KUCHING: Nadai agi Chukai Barang enggau Servis ( GST) digaga perintah Pakatan Harapan ( PH) lalu ditukar enggau Chukai Jual enggau Servis (SST) dikearap mantu nurunka rega barang lebih agi ba Sarawak.
Menteri Muda Pemansang Pengawa Dagang Mit enggau Jelan Pemesai Datuk Mohd Naroden Majais madah rega barang balat dikeruga mayuh ungkus sekalika GST tauka SST.
Kebuah bukai, ungkus langsung enggau enda langsung dalam genap aktiviti dalam gintir bekal barang baka ungkus minyak, logistik, utiliti enggau ke bukai deka meri pangka ngagai ungkus mansutka barang.
Kelimpah nya ku iya, rega barang mega dikeruga bekal enggau peminta ngagai barang nya iya nya nyema pemintya niku rega mega niki.
“Kitai diatu ngembuan siku pengari ari DAP Sarawak mangku Pengawa nyadi Sapit Menteri Dagang Dalam Menua enggau Pekara Bebeli Barang (Chong Chieng Jen) lalu opis menteri ti endang megai tanggungpengawa nyaga rega barang ba menua tu.
“Laban iya agi baru, nyadi kitai meri iya awak mantaika polisi ke ulih dikena nurunka rega barang,” ku iya.
Iya madah munyi nya rambau nyaut tanya ari Dr Hazland Abang Hipni (PBBDemak Laut) ba aum DUN, kemari.
Tu mega dikena nentuka rega barang nurun, perintah kenu ku Noraden udah bejalaika mayuh atur tang nya ba luar batang pengawa perintah.
Taja pia, kenu ku Naroden bala pedagang ba Sarawak ulih mantu ngurangka kos produk nengah chara ngurangka komponen import, nambahka barang dipansut ari menua tu enggau ngurangka ungkus baka logistik, batang pengawa, utiliti, diayah sengapa enggau ke bukai.
Dulu ari nya, Naroden madah perintah seruran nyukung pemansang pengawa Dagang Mit enggau Jelan Pemesai (PKS) nengah polisi menua ti nyendiaka mayuh program bantu nyengkaum fasiliti ukai wang.
Ku iya bantu ke diberi ngagai PKS nyengkaum, lon mudah, geran, latih program pemansang enggau mayuh macam insentif.
“Siti ari inisiatif dikena nambahka gaji iya nya bejalaika gaji minimun iya nya ari RM920 sebulan ungkup Sarawak lalu RM1000 sebulan ba Semenajung Malaysia.
“Ba piak perintah Sarawak, kitai udah meri peluang ngagai pengereja pengawa peranak menua tu gawa ba Taman Industri Samajaya enggau Samalaju.
“Semu inisitif tu dikearap ulih mantu nyenduaka pengawa enggau ngaduka gaji rayat sereta nyereta PKS dalam nyungkak agi pengidup rayat,” ku iya. KUCHING: Kaban Kunsil Nengeri (ADUN) Dudong Datuk Tiong Thai King ngansak perintah besai ke dipegai Pakatan Harapan (PH) ngemanah agi kategori servis penerebai bilun Sibu.
Iya madah, kebuah pia laban servis penerebai bilun Sibu ba kategori Servis Langit Menua Pesisir (RAS) kenyau 2007 taja Padang Bilun Sibu nyadi entara padang bilun ketiga pemadu kiruh ba Sarawak lalu lumur 10 pemadu kiruh ba Malaysia.
Iya madah, taun 2016, padang bilun nya ngemujur pejalai 1,469,341 penumpang enggau 24,806 kali terebai kelimpah ngundan 1,048 tan matrik kargo.
Pia mega, iya madah padang bilun nya mega ulih nampung 1.8 juta iku penumpang setaun.
“Sibu endang nyadi puntu penama ke chukup engkeman laban ba tengah Sarawak. Tang, nama utai ti ngasaika servis tu iya nya agi ba kategori RAS kenyau 2007,” ku iya.
Iya madah munyi nya rambau debat usul meri basa ngagai jaku Tuai Pemegai Menua (TYT) Sarawak nyerumba Aum Keterubah ungkup Penggal Ketiga Kunsil Nengeri (DUN) Ke-18 ba Begunan DUN Baru ditu, kemari.
Tiong madah, lebih ngenyinu atu lebuh taun nyin kemari, perintah besai ngemanjaika agi timpuh enggau timpuh konsesi RAS enggau MASwings nyentuk taun 2024.
“Opis Menteri Perengka Pengangkut ngaku RAS nyadi servis penerebai ukai ekonomi lalu nyendiaka akses ngagai kandang menua pesisir di Sabah enggau Sarawak laban pengangkut langit perengka penangkut pemadu nyamai dikena ba sitak nya.
“Tang Sibu endang mengeri ukai ari sitak menua pesisir Sarawak nya alai iya mengeri lalu ukai menua pesisir ba Sarawak. Nya alai iya enda patut diengkah ba kategori RAS tu,” ku iya.
Kenu ku iya, kena November taun nyin kemari, enam jalai bilun deka ditutup ari bungkur RAS berengkah 2019 lalu jalai bilun nya iya nya Kota Kinabalu-Sandakan, Kota Kinabalu-Tawau, Kota Kinabalu- Miri, KuchingMiri, Kuching-Bintulu enggau Kuching-Sibu.
“Sekali agi kitai asa laban Sibu enda dirintai kena kinsil dalam bungkur RAS,” ku iya.
Kelimpah nya, Tiong madah, perintah mega nanggung subdidi penuh, perintah mega nanggung ungkus ngidupka pejalai RAS ngena subsidi lalu bayar suwa bilun sereta bil subsidi ninting taun ungkup timpuh tujuh taun nyentuk 2024 endang manggai RM190 juta bepelasarka penerang ari opis menteri.
“Tang nama utai ke ngasuh tekenyit iya nya tambang ke ngasuh tekenyit iya nya ari Sibu ngagai dedini palan endang jauh lebih mar dibanding enggau mengeri bukai. Ukai nya ajak, enda ngam sereta enda adil,” ku iya.
Berebak enggau nya, ku iya, iya langsung enda mantu nyungkak industri dagang temuai ba Sibu.
“Berindik ari nya, aku deka ngambi peluang tu ngarapka perintah besai berundingka penanggul ke ditapi ditu enggau lengkas.
Kitai diatu ngembuan siku pengari ari DAP Sarawak mangku Pengawa nyadi Sapit Menteri Dagang Dalam Menua enggau Pekara Bebeli Barang (Chong Chieng Jen) lalu opis menteri ti endang megai tanggungpengawa nyaga rega barang ba menua tu. Datuk Mohd Naroden Majais Menteri Muda Pembangunan Perusahaan Kecil dan Sederhana