Utusan Borneo (Sarawak)

RUU Perbekalan Tambahan (2017) 2018, (2018) 2018 nadai nerima bantah dalam DUN

-

KUCHING: Rang Undang- undang ( RUU) Perbekalan Tambahan ( 2017) 2018 enggau RUU Perbekalan Tambahan ( 2018) 2018 dikemendar­ka Kunsil Nengeri ( DUN), pengudah dibacha kali kedua enggau ketiga, kemari.

Kededua RUU nya nadai nerima bantah ari kaban Kunsil Nengeri.

Menteri Wang Kedua Dato Sri Wong Soon Koh madahka Anggar Tambah Keterubah Belanja Pemansang 2017 dikena minta pemendar belanja tambah sepenyampa­u RM29.18 juta.

“Penyampau anggar nya ( RM29.18 juta) beguna dikena nangkup belanja tambah ke ditanggung mayuh bengkah opis menteri enggau opis taun nyin kemari.

“Belanja tambah sepenyampa­u RM2.6 billion diguna dibaruh Anggaran perbekalan Pertama Perbelanja­an Biasa 2018.

“Lalu ari penyampau nya ( RM2.6 billion), sepenyampa­u RM2,500 juta nyadi pemeri ngagai Dana Berkanun ke tuju pemansang sereta sepenyampa­u RM148 juta diguna dikena nampung mayuh macham belanja di baruh mayuh bengkah opis menteri enggau opis,” ku iya.

Wong mansutka pekara nya maya iya mantaika dua RUU nya ba Aum Kunsil Nengeri Ke- 18 Hari Keempat ba Kompleks Kunsil Nengeri ditu, kemari.

Lebuh ti ngenang bekaul enggau penyampau Anggar Tambah Keterubah Belanja Pemansang 2017 , iya madahka, belanja nya dikena ngatur program enggau projek pemansang ke diatur sekeda opis menteri tauka opis baka Opis Menteri Pemansang Infrastruk­tur enggau Perengka Pengangkut; Opis Menteri Utiliti, Opis Menteri Pemansang Mengeri enggau Pengeraja Asal; Opis Menteri Pemansang Industri enggau Orang Dagang; Opis Kaunsil Kandang Menua enggau Pengawa berumah

Berebak enggau tu mega iya madahka sepenyampa­u RM3.5 bilion diguna di baruh Anggar Tambah Keterubah Belanja Pemansang 2018 dikena napi peminta guna tambah dikena bejalaika mayuh bengkah projek enggau program pemansang taun tu.

Entara projek sereta program pemansang ke dipejalaik­a taun tu ke begunaka belanja nya baka State Financial Secretary sepenyampa­u RM3,427,450,600; Opis Menteri Kaunsil Kandang Menua enggau Pengawa Berumah ( RM6,000,000) dikena ngemanahka tebing ai ba Sri Aman; Opis Menteri Pemansang Infrastruk­tur enggau Perengka Pengangkut ( RM84,000,000); Opis Menteri Betanam Betupi Moden, Tanah Adat enggau Pemansang Kandang Menua ( RM31,500,000) sereta ke bukai.

Newspapers in Malay

Newspapers from Malaysia