Dr Rayong bisi ngulu Bengkel RTP ungkup Bagi Menua Sri Aman
bukai mutarka pemar sida.
“Kitai berimbai lalu meseti ngiga jalai dikena mansang ke mua ungkup Malaysia lalu pia mega ungkup BIMPEAGA.
“Aku ngarap kepala menteri Sabah enggau Sarawak bela meratka BIMP-EAGA,”ku iya.
Ngenang sentang Licha Otomasyen enggau Industri 4.0, iya madah MITI bisi nyendia perambu ke tau dikena industri di menua tu mansang ke mua.
Tang perambu nya ku iya semina meratka pengawa gudang enggau pengawa bukai ke bekait.
“Kitai dekaka industri mit enggau jelan pemesai di menua tu sedia lalu sida deka dibantu MIDF.
“MITI mega ngiga chara ngambi ulih dikena nentuka operasyen industri ditu enda begunaka belanja ke besai,”ku iya. KUCHING: Kaban Kunsil Nengeri (ADUN) Engkilili Dr Johnical Rayong Ngipa bisi ngulu Bengkel ‘ Rural Transformastion Projek (RTP) Bagi Menua Sri Aman ungkup taun 2019/2020 ke lalu
nusun projek sepanjai timpuh nya.
Bengkel ke diatur ba sebuah hotel di mengeri besai tu bela bsi digulu Direktor Unit Pematau Pengawa Nengeri (SIMU), Opis Kepala Menteri Dr Abdul Rahman Sebli, ketuai-ketuai Opis Perintah Bagi Menua Sri Aman enggau pengari ejensi pengereja pengawa baka ari Opis Kereja raya, Opis Kuansil enggau Residen.
Berebak enggau nya, objektif bengkel nya dikena meri penemu enggau ngaduka baru rintai RTP ti deka dipejalai ba taun 2019 enggau 2010 mungkur ungkus RM10 juta seriris enggau ‘Garis Panduan Pengurusan dan Pelaksanaan’ RTP 2018.
Semua projek ke udah dirintai deka dianjung ngagai Unit Pengatur Nengeri (UPN) sebedau iya dipejalai mungkur Opis Kaunsil Bagi Menua, Opis Kereja Raya (JKR) sereta Opis Entali Ai sebedau pengawa nya dipejalaika raban kunteriktor nengah pengawa chabut undi.
“Terima kasih ngagai perintah Sarawak laban udah meri agih belanja ke chukup mayuh ungkup semua ADUN enggau Kaban Parlimen dikena ngemansangka menua ke dikuasa diri,” ku iya madah ngagai Utusan Borneo.
“Tu mandangka Abang Johari enggau raban kabinet nengeri chukup siru ke pemansang ba kandang menua pesisir laban enti diperati amat agi jauh tinggal pemansang dibanding enggau sitak mengeri,” ku iya seraya ngarap semua pengari rayat ulih ngaga langgur pemadu manah ngemansangka sitak diri lalu perati sekalika belanja nya setipak enggau juluk Kepala Menteri ke deka meda takah pemansang entara kandang mengeri menua pesisir ulih disebaka.
Ku iya, rayat patut terus nyukung perintah Sarawak ke endang nyadi perintah ba renggat nengeri.
“Aram kitai bela betunggang sukung ngagai Abang Johari ke diatur benung bejalaika semua atur pengawa dikena nentuka perintah besai lengkas mulaika hak Sarawak baka ke udah dipekat dalam sempekat MA63 sereta Ordinan Minyak lebih agi bekaul enggau bayar royalti 20 peratus,” ku iya.
“Kitai andal Abang Johari ba jalai ke betul endur nagih hak MA63 besereta bayar royalti 20 peratus laban nyema peminta nya dititih reti nya perintah nengeri deka ngembuan belanja ke cgukup dikena ngaduka pemansang ba nengeri tu,” ku iya.
Dulu ari nya, pengawa taklimat nya dikenataika Residen ke mega Sapit Residen Sri Aman ke bela digulu pengari DUN Balai Ringin, Bukit Begunan, Simanggang, Batang Ai nyengkaum Engkilili.