Gelar ‘Dato’ ti diberi ngagai Bujang Berani Awang Raweng ngemegahka bansa Iban

Utusan Borneo (Sarawak) - - Berita Iban -

SIBU: Ukai semina berita manah ngagai Bujang Berani Dato Awang Raweng tang gelar Dato ari pemeri Pingat Panglima Setia Bintang Sarawak endang udah lama dianti bansa Iban ngelama tu.

Awang, ex-Iban Trackers, 93, nerima pemeri ari perintah nengeri nya maya Istiadat Pengurniaan Darjah-Darjah Kebesaran Negeri Sarawak beserimbai enggau Abang Johari mantaika jaku tu maya Pengerami Ngintu Hari Pengada Ke-82 TYT Tun Pehin Sri Abdul Taib Mahmud ditu, kemari.

Iya suba ba Platun ke-10, Kompeni D, 1 Batalion Rejimen Worcestershire sereta kala nerima gelar pemadu tinggi George Cross ari Queen Elizebeth, England.

“Berasai gaga ati laban bisi kebuah nerima ( gelar) ari perintah,” pia ku iya maya berandau enggau pengarang berita sepengudah nerima gelar nya.

Awang maya tu diuluka anak iya keempat ari tujuh iku diri menyadi, Panggau Awang.

Iya mega madahka pemeri nya kelai perintah ngenang pengawa iya maya ngetan pengelikun menua menya.

Panggau maya tu bela nge- nataika jaku gaga ati ngagai Tun Taib ketegal ti udah meri gelar nya ngagai apai iya.

Kelimpah Panggau, Awang maya tu mega diuluka Direkter Veteran Nengeri Sarwak, Leftenan Kolonel Dunging Serit.

“Gelar ke diterima Awang tu endang udah lama dianti kitai Iban nengeri Sarawak.

“Taja laun tang enda ngawa laban perintah udah ngelai masa iya enggau gelar nya,” ku iya maya nya.

Ba pengawa nya kemari, Presiden Badan Amal Tenaga Isteri-Isteri Sarawak (SABATI) Datin Juma’ani Tun Tuanku Bujang nyadi rintai keterubah nerima gelar Datuk Amar Bintang Kenyalang (D.A) ti mai gelar ‘Datuk Amar’.

Tu ditangkan Panglima Negara Bintang Sarawak (PNBS) ti diterima Datuk Seri Tiong King Sing enggau exMenteri Muda Kebajikan dan Hal Ehwal Wanita Sarawak Datuk Sharifah Mordiah Tuanku Fauzi ti mai gelar ‘Dato Sri’

Empat iku penerima Panglima Gemilang Bintang Kenyalang ti mai gelar Datuk iya nya Kaban Parlimen Betong Robert Lawson Chuat, Menteri Muda Bekal Karan Menua Pesisir Sarawak Dr Abdul Rahman Junaidi, presiden Persatuan Jatti Mereik Datuk Abdillah Abdul Rahim enggau Presiden Persekutuan Persatuan- persatuan Cina Bahagian Miri Hii Teck Yun.

Pemesai pengereja pengawa perintah iya nya Sutin Shamat, Dr Wan Lizoman Wan Omar, Soedirman Aini, Sharbini Suhaili, Profesor Mohd Fadzil Abdul Rahman enggau Ken Leben maya tu nerima Darjah Jasa Bakti Sarawak (DJBS) ke mai gelar ‘Datu’.

Kelimpah ari nya, 14 iku kebukai nerima Panglima Setia Bintang Sarawak (PSBS) ke mai gelar ‘Dato’ nyengkaum dua posthumous.

Sida tu iya nya ong Piaw Soon, Tan Jit Kee, Chieng Buong Toon, Marcus Leong Man Lian, Musa Giri, Datin Dr Munirah Mohd Hassan, Ustaz Ismawi Duet, Ustaz Mustapha Kamal Ahmad Fauzi, Sulaiman Narawi, Awang Raweng, Janang Bungsu enggau Philimon Nuing.

Dua iku penerima Posthomous iya nya niang Puan Sri Datin Amar Margaret Guning Banyang enggau niang Mohamad Johnny Mustapha.

Newspapers in Malay

Newspapers from Malaysia

© PressReader. All rights reserved.