Nengah kus bansa tu ulih meransang sida bedagang chara mit, nyungkak penatai pemisi

Utusan Borneo (Sarawak) - - Berita Iban -

MARUDI: Batang tuju Opis Betanam Betupi Bagi Menua Miri ngatur kus pengelandik dikena nentu enggau ngenegapka raban indu nyadi orang dagang.

Ambika chunto, bepun ari ngaga kek lapis ba dapur kitai empu, bejual, patut pintar runding ngiga endur bejual. Ari rumah, kitai tau mansang ngagai kilang kek lapis lalu bejual ngagai luar nengeri. Dato Gerawat Gala Sapit Speaker DUN Sarawak

Ku Sapit Speaker Aum Kunsil Nengeri (DUN), Dato Gerawat Gala, ari pemisi kus baka tu, raban indu teulihka penemu dikena bedagang chara mit. Enti sida pintar runding sereta bagas gawa, tau nyadi pun penatai pemisi ti tau nguntungka kitai.

“Ambika chunto, bepun ari ngaga kek lapis ba dapur kitai empu, bejual, patut pintar runding ngiga endur bejual. Ari rumah, kitai tau mansang ngagai kilang kek lapis lalu bejual ngagai luar nengeri.

“Kek lapis ari kandang menua Poyut/Lubok Nibong sereta tau dikemandang ba kandang menua Lio Mato (Ulu Baram) enggau Long Seridan (sitak menua Kelabit), deka nguntungka kitai,” ku iya.

Nangkan nya, perintah nengah Opis Betanam Betupi ngatur kus beranyam, muka runding enggau mata, nyadi pugu ngepunka dagang ari rumah, kelebih agi bansa Bumiputera. Untung ari pengawa tu tau dikena melanja sekula bala anak ngagai palan pelajar tinggi.

“Anang irauka puku dikena bedagang laban tau minta bantu ari ejensi perintah baka SEDC,” ku iya lebuh bejaku ba Pengawa Ngelan- charka Kus Ngatur Pengawa Ngemansangka Ruang Bilik Khas Ungkup Bumiputera diatur Opis Betanam Betupi Bagi Menua Miri ba Rumah Michael selangkor, Sg Brit pagi kemari.

Kus dua hari nya digulu raban indu ari empat buah rumah panjai besemak iya nya Brit ialah Sg Muam, Rumah Telajan Luyoh, Brit Asal and Sg Sebatang enggau Logan Entasan, Marudi.

Gerawat ti mega ADUN Mulu madah ari insentif kus nya beguna amat ungkup sitak menua pesisir, nyengkaum Lio Mato, Long Seridan, Long Lelang enggau ke bukai. Tu dikena muka runding sida ke diau ba menua pesisir.

Sama bisi datai Pemesai Pelilih Marudi, Mackos Sibong, Pemesai Betanam Betupi (Pemansang) Miri, Madelina, Penghulu Tie King Un enggau Penghulu Randi Bundan, ti nyadi tuai pengatur.

NYUNGKAK PENATAI PEMISI: Gerawat (tengah) begambar ungkup kenang begulai enggau bala penyereta kus seraya Mackos Sibong (kiba Gerawat).

Newspapers in Malay

Newspapers from Malaysia

© PressReader. All rights reserved.