Stesyen minyak, pasar mini deka dibuka mayuh agi ba menua pesisir, ku Chong

Utusan Borneo (Sarawak) - - Berita Iban -

KUCHING: Sapit Menteri Dagang Dalam Menua enggau Pekara Bebeli Barang Chong Chieng Jen merambu numbuhka mayuh agi stesyen minyak mini tauka pasar mini di menua pesisir.

Nitihka penerang Chong, pengawa numbuhka stesyen minyak mini tauka pasar mini nya disadang ulih mantu perintah ngurangka tating belanja rayat kelebih agi sida ke diau di menua pesisir.

Ku iya, perintah udah ngagihka RM90 juta ba pekara subsidi pengangkut ke mungkur barang baka tepung, gula enggau minyak petrol ngagai kandang menua pesisir di Sarawak.

“Tajapan perintah nyendia sabsidi ba pengangkut, tang barang ke diguna baka ke tepung, gula enggau minyak petrol mengkang mar di menua pesisir.

“Nambahka nya, sekeda orang ( nganjung) beambi ulih ari sabsidi tu alai sida bisi minta bayar tajapan enda nganjung sebarang barang,” ku iya.

Iya mansutka jaku nya ba makai lemai Parti Tindakan Demokratik ( DAP) Sarawak di Thian Court, Crown Square ditu, malam ensanus.

Chong nambah, perintah keran nentuka rayat di menua pesisir bela ngasaika rega barang ke sama enggau di kandang mengeri.

Ketegal nya iya merambu mayuh agi stesyen minyak mini tauka pasar mini di ditumbuhka di menua pesisir baka ke di Miri.

Stesyen minyak mini tauka pasar mini nya ku iya deka ngemuntang pengawa bala pemesai ari opis menteri matau rega barang.

Ngenang sentang makai lemai nya, Chong madah pengawa diatur enggau tuju ngempuru belanja ungkup parti.

Bela datai kaban Kunsil Negeri (ADUN) Padungan, Wong King Wei, ADUN Pending, Violet Yong, Ahli Parlimen Kluang, Johor, Wong Shu Qi enggau Speaker DUN Selangor sereta ADUN Sekinchan, Ng Suee Lim.

UNGKUP PEMAIK RAYAT: Chong lebuh meri jaku lalau ba pengerami makai lemai DAP Sarawak di Kuching.

NGULU PENGERAMI: Bala temuai ti bisi datai ngulu pengerami makai lemai DAP Sarawak di Kuching, kilah ensana.

Newspapers in Malay

Newspapers from Malaysia

© PressReader. All rights reserved.