Primavera dou coustà de Segra
Que vent fa venì à Segra aquelou troubadoù en aquestou stranou jorn de primavera ? Vent guiaçà e sourelh fujitivou mà que ven courdiale poc apress. Mantelou scu de nivou blu founçà que laisha scapà quarque fioque lengìe. Aquelou vijhitoù lounga rou retirou de Pié, marcà just d’una spusseta e, una vota ra pouarta passàia, se trova ent’una bresca d’amigue. Perqué una bresca ? Tout’ aquele counversacioù que s’encrousilhan m’i fan pensà. Ou café, ou genepì, ou fueg ent’a chaminéa, tout aquò es envigourent. Quarqu’oste meditan, a squina giràia vers ou fueg. Maurice, ben enfroupà, serra ru uelhe couma pèr isourà-se de tante counversacioù à r’entorn. Imaginou que ri ven ’n’ou ment aquelu belu jorne douna pouhe assetà-se couantra a muralha dou sen refùgiou. Ent’aquelou moument se shala dou proufum de r’erba e dou
gust de r’aura lengiera. Me semelha qu’ent’a soua testa i ese dejà. A sentù aquela branca que ou pes dou merlou fa piegà e rou
pass d’aquelou vijhitoù ? Elou que, sensa dùbitou, i va cuntà de stòrie douna r’imaginacian se mèsquia dame a realità. R’erba, tout à r’entorn, es un poc chifounàia… Ma dejà, rou troubadoù s’ese n’anach, aishì lest que ra nébia ! En pensent ent’aquela bella pouesìa : « Ou sourelh pica s’a terra n’aquelou belou jorn de Primavera que pouarta dam’ elou a caroù de r’estade. Acò fasìa, quarque vote qu’aquel’ ome passava ent’ aquela riba piantàia de fantine. Sùbitou, r’ome pensa ent’una pintura empressiounista mà pran lengièra pèr un cadrou clàssicou. Just un brandoulhament delicà, coulourì, ou couhe langourì. De pece grane d’oumbra verdastra d’un coustà, de r’autre, d’erbage ensourelhà douna e masque rousse boulegan pian-pian n’u se vestite fràgile. R’ome poque counoushù, acò, n’i è dùbitou, sfioura soulament ou predi servage a ra muta e se pensa da souret, a ra trope fujasca sourtida primaveirenca. »