Máid duođaid oaiv­vil­dit sáme­po­liti­hk­ka­rat?

Avvir - - OAIVEČÁLUS -

Jus­te dál le­at muh­tun Norg­ga ja Suo­ma bea­le sápme­laččat lá­vuid ceg­gen Sá­mešald­di ba­já­beal­lái sullui man nam­ma lea Če­ar­rets­uo­lu. Dát jo­av­ku go­hčo­dit ieža­set «El­los Deatnu!» ja le­at namma­dan vis­sis vi­i­doda­ga Če­ar­rets­ul­lo bir­ra «Mora­to­ri­um» gu­ov­lun. Mora­to­ria me­ark­kaša dán ok­tavuođas dan, ah­te ođđa biv­don­juolg­ga­du­sat bis­se­huv­vo­jit dan gu­ovl­lus, mii lea Če­ar­rets­ul­lo bi­rastaht­ti čáhce­vi­i­doda­gain. Dál le­at ge sii ceg­gen lá­vuid Če­ar­rets­ullui gos gozi­hit ah­te olbmot eai sin lo­bi haga oak­ko sisk­kobeal­de «Mora­to­ri­um» gu­ovllu. Dát El­los Deatnu! lea vuost­tal­de­ap­mi De­a­no­soa­hpa­muššii máid Norg­ga ja Suo­ma stáhtat le­at soah­pan ja mii dál lea fá­mus. Vuost­ta­mužžan oažžu dad­jat, ah­te dán vuost­tal­dan jo­av­kku nam­ma «El­los Deatnu!» dieđus mu­ittu­ha hui ollu 1970-80 lo­gu «El­los Eatnu!» miel­lačáje­hemi­id na­ma, man olis sá­mi vuoi­gatvuođat ov­dá­ned­je. Dan gal sáht­tá dál dad­jat juo, ah­te «El­los Deatnu!» ii sáh­te goas­se šad­dat bu­ot sámii­de se­am­ma de­hálaš go «El­los Eatnu!», go bu­ot sápme­laččat geain le­at rievttit De­a­nočázá­da­gas eai le­at vuostá gáržži­demii­de maid dát guok­te stáhta le­at da­hkan. Dán jo­av­kkus lea ge njunnošis maid Norg­ga Sámi­id Rii­kase­arv­vi jođi­head­dji Beas­ka Ni­il­las. Man­nan va­hkko­loa­h­pa dol­le ge álbmotčoa­hk­kima Ohce­jo­gas, go­sa led­je boahtán sul­lii 50 olbmo. Dop­pe lei Beas­ka Ni­il­las maid njunnošis jođi­heame čoa­hk­kima, muhto son da­jai ear­ret eará, ah­te sus lea jur­da­gat mot galg­gašii háld­dašit De­a­nočázá­da­ga luos­sa­bivd­duid boaht­teáig­gis. Son dat­te ge ii lo­hkan vuos há­li­i­dit iežas jur­dagi­id dan ek­tui alm­mu­hit. Dál lea ái­gi sáme­po­liti­hk­ka­rat ál­get mui­ta­lit máid sii duođaid oaiv­vil­dit, ere­no­amážit Norg­ga beal­de gos lea dán čavčča sá­me­dig­ge­válg­gat. Beas­ka Ni­il­las gii lea NSR jođi­head­dji ja maid ieš dán ái­goda­gas čo­hkkán NSR ovd­das Sáme­dik­kis, ber­re mui­ta­lit jus­te máid oaiv­vil­da De­a­nočázá­da­ga háld­dašeami hár­rái. Se­am­ma fer­te maid NSR sá­me­dig­ge­pre­side­an­ta Ai­li Ke­ski­ta­lo mui­ta­lit, go vuoht­tit son doar­ju oal­le čiel­ga­sit «El­los Deatnu!»-jo­av­kku. Dat lea oa­innát áib­bas čielg­gas, ah­te Áv­jovári– ja Nuor­ta­gu­ovllu vál­ga­biri­id ji­e­nas­ted­djii­de, geain le­at biv­din rievttit De­a­nočázá­da­gas, lea de­hálaš diehtit ov­dal válg­gaid máid guh­te ge bellodat oaiv­vil­da dán áššis. Dan ii dáid­de ea­hpi­dit ok­ta ge, ah­te sámi­in le­at ere­no­amáš vuoi­gatvuođat De­a­nočázá­da­ga luos­sa­bivd­duide. Dan­ne lea ge de­hálaš ah­te gáržži­demi­id dor­jot báikkálaččat, go muđui šad­dá hui vát­tis háld­dašit ođđa njuolg­ga­du­said. Bivdovuoi­gatvuođat De­a­nočázá­da­gas aŋk­ke lea eamb­bo go dušše fierbme­bivdi­id vuoi­gatvuođat, go dat han le­at olbmot geain le­at giettit main lád­dje­jit 2000 kilo suoinni, be­roške­aht­tá le­at go sápme­laš da­hje gulli eará čerdii. Dan­ne lea ge dat vuoi­gatvuohta mii lea čad­non ea­nan­dol­lui. Dat lea bea­lit maid po­liti­hk­ka­rat ferte­jit maid duo­stat di­gaštal­lat.

Dál lea ái­gi sáme­po­liti­hk­ka­rat ál­get mui­ta­lit máid sii duođaid oaiv­vil­dit, ere­no­amážit Norg­ga beal­de gos lea dán čavčča sá­me­dig­ge­válg­gat.

Newspapers in Northern Sami

Newspapers from Norway

© PressReader. All rights reserved.