IVDNÁS euro­hpámeašttir fas gearg­gus gil­vvuide

Min ivdnás Euro­hpámeašttir fas gearg­gus gil­vvuide

Avvir - - FORSIDE - El­len Ma­ri­an­ne Si­ri el­len­ma­ri­an­ne@av­vir.no

Ni­il­las-jovn­na Läns­man lea ráhk­kanea­me dán jagáš čáhcecross­agil­vvuide. Loga dás ea­net su čuv­ges­ruk­ses Po­la­ri­sa bir­ra ja mii dáh­páhuv­vá su skohte­roai­ve­suoji vuol­de gilvo­bot­ta.

Gu­ov­dage­a­innu bárd­ni, 25-ja­hkásaš Ni­il­las-jovn­na Läns­man gii šat­tai di­ibmá Euro­hpámeaštti­rin čáhcecrossas, lea dál ráhk­kanea­me dán jagáš čáhcecross­agil­vvuide. Le­at ol­les 11 gil­vvu masa dán ái­goda­ga ái­gu oas­sálastit, si­h­ke Norg­gas, Ruoŧas ja Suo­mas. Áv­vir fi­na­da su luht­te beaiv­vi ov­dal go son vuolgá vuost­taš ja nup­pi vuoru vuodjit Ruoŧa meašttir­gil­vvuin mat lági­duv­vo­jit Ruoŧas, Lus­spies/sto­ru­ma­nas ja Skielle­his. Sus lea olu ráhk­ka­nit ov­dal go vuolgá, ere­no­amážit fer­te buot skohte­ris le­at ortne­gis.

Dát dáh­páhuv­vá skohte­roai­ve­suoji vuol­de gilvo­bot­ta

Ni­il­las Jovn­na čil­ge ah­te dat galgá olu li­hkku maid go vuod­djá álg­gus. Sáht­tá le­at nu ah­te si­h­ke vuod­dji ja skohter doaibmá, muhto de muh­tin vuodjá nje­ai­ga. Son gea­hčča­la čil­get dan dovd­du mii sus lea go gil­vu álgá.

– Jus­te ov­da­laš go vuod­dján, de lá­ve mus mannat buot bal­lu eret. De ál­get mannat se­kund­dat goas be­as­sá «cick­et» leahtu ja dan rájes go vuod­dján de fer­ten ču­ovv­ut miel­de maid earát da­h­ket. Ii sáh­te ov­dagihtii nu olu plá­net, jus nub­bi me­ar­ri­da vuodjit dan mols­sa­evttot luot­ta de it ábut don maid bi­ja­dit su maŋŋái do­hko. Buot buore­mus lea jus be­as­sá ovdde­mus­sii, de eai le­at nu olu bárut. De hal ii le­at šat nu olu maid jurddaša, dušše cik­cut gása nu gu­hká go duostá. Dat lei oba mi­há buor­re dov­du go de olle­jin dal­le mol­lii ja fu­ob­májin ah­te led­jen vuoitán Euro­hpámeašttir­gil­vvuid, čil­ge son.

In vuolg­ge silb­ba dih­te

Läns­man mui­tala ah­te sus le­at guok­te vuoru vuodjit dán va­hkko­loa­h­pa, Ruoŧameašttir­gil­vvuid vuost­taš ja nup­pi vuoru. Sus livčče miht­tu da­id meašttir­gil- vvuid vuoitit.

– Jus buot doaibmá ja manná nu go di­ibmá ma­nai, de gal lea mus buor­re doaiv­va. Mus livčče miht­tu dán jagi vuoitit dán Ruoŧameašttir­gil­vvu, dan in le­at ov­dal vuoitán. In vuolg­ge silb­ba dih­te, gol­li lea goit miht­tu vuoitit juo­hke gil­vvus, lo­hká son.

Vuordá skohte­ro­asi mii boahtá váikkuhit

Läns­man mui­tala ah­te skohte­ra gal fer­te gea­hča­dit ov­dal gil­vvuid, gea­hččat lea go buot nu go galgá, sád­duid bas­sat eret mas le­at skohte­ro­si­id gaskii šad­dan. Farg­ga šad­dá vel ea­net vuoibmi skohterii.

– Dán giđa lean skohte­ra ráhk­kanaht­tán gil­vvuide. Lea olu maid fer­te da­hkat ov­dal go sáhtán gil­vvo­hal­lat, nu go ser­vi­ca vál­dit, lonuhit muh­tin skohte­ro­si­id, reim­ma gea­hččat, mohto­ra gea­hččat lea go ortne­gis ja nu ain vi­idáse­ap­pot. Farg­ga oaččun ođđa mohto­ra vel, de gal šad­dá vel ea­net vuoibmi dan skohte­ris, mui­tala Ni­il­las-jovn­na.

Ii bea­sa Norg­gas hárje­hal­lat

Vaikko son lea ge Euro­hpámeašttir, de sus eai le­at hárje­hallanve­jo­lašvuođat. Eai goit Norg­gas, son šad­dá gal vuolgga­hit skohte­ra rii­karájá rastá.

– Hárje­hal­lat gal lean dušše ok­tii šad­dan, go dáp­pe Norg­gas ii bea­sa hárje­hal­lat. Mun lá­ven šad­dat git­ta Heaht­tái vuodjit jus galg­gan hárje­hal­lat, dán há­ve in le­at ol­len go ok­tii dop­pe fit­nat, mui­tala son.

Ii sáh­te be­are rámbuvrras viežža­lit

Läns­man vuod­djá Po­la­ris Pro RMK 800 skohteri­in. Son vu­jii ov­dal Lynx, muhto lonuhii Po­la­ri­sii moad­de jagi das­sái. Son lea ait­to bi­jahan skohterii ođđa olg­g­oža, sa­be­hi­id ja muđui ord­nen skohte­ra nu ah­te lea gil­voge­arg­gus. Dat lea gal vel nu ah­te dakkár skohte­ra ii sáh­te be­are mannat viežža­lit rámbuvrras.

– Dakkár čáhcecrossaskohte­ra ii sáh­te be­are mannat rámbuvrras oastit, lea olu maid šad­dá da­hkat nu ah­te dat šad­dá buor­re čá­zis. Da­sa manná olu ái­gi ja fer­te maid máht­tu le­at da­sa. Po­la­ris lea goit hui gea­h­pas vuodjit, dan lea ál­ki hál­let ja muđui doaibmá maid hui bu­res, mui­tala son.

– In dárbbat vuoitán ge, olbmot goit­ge govve­jit

Su Po­la­ris lea leam­aš juo ere­no­amáš di­ibmá, muhto jus ve­jo­laš, de lea dán jagi vel ea­net čalbmáičuohc­ci. Skohte­ris le­at olu ivn­nit, si­h­ke čuv­ges­ruk­ses, ruoná ja eará ivn­nit mat ges­set čalm­mi­id skohterii. Son lea dán jagi ea­net lasi­han ivn­ni­id skohterii, muhto čuv­ges­ruk­ses ivn­ni­id ain doa­la­ha. Dat lea juo šad­dan su ima­ge ja mui­tala da­id ivn­ni­id gea­suhit olu ge­hčči­id.

– Dat lea juo šad­dan nu ah­te čuv­ges­ruok­sat lea Läns­man racing gálvome­arka. Eai le­at nu olu dakkár ivnnát skohte­rat ja dat gal gea­suha olu ge­hčči­id, buot agi­in. In dárbbat vuoitán ge, olbmot goit­ge bohtet gea­hččat ja gov­vet skohte­ra. Vel dakkárat maid geat eai rievt­ti miel­de be­roš skohte­ris, be­roštit gea­hččat dan mu skohte­ra, dad­ja­la Ni­il­las-jovn­na.

– Lea go nu ah­te dakkár ivn­ni le­at bid­jan vai nie­id­da­id gea­suhat gea­hččat? – Dan dat gal maid soaitá ve­ahá, skelbmoša Ni­il­las-jovn­na.

Lea šad­dan eall­invuo­hki

Sus lei lun­tan juo nie­hku vuodjit crossa, ja nu son álg­gii ge. Dađi­ba­há­but son bávččagahtii juolg­gi, muhto skohter­vuodji­ma ii há­lii­dan guođđit. De son fu­ob­mái čáhcecrossa ál­git vuodjit, mii lea šad­dan su eall­invuo­hki. Son árv­voštal­lá vel ah­te son vuodjá skohteri­in ea­net geas­set go dál­vet.

– Dása mun ráhk­ka­nan juo­hke jagi, dat gal lea šad­dan juo mu eall­invuo­hki. Dat lea hui geld­do­laš gil­va­lit, lo­hká son.

Oažžu doar­jaga fit­no­da­gain

Ni­il­las-jovn­na mui­tala ah­te sus le­at spon­sorat, ear­ret eará Gu­ov­dage­a­innu fit­no­dat ja Ált­tás, ear­ret eará iežas bar­goad­di. Maid­dái ol­goriika­fit­no­da­gat le­at váll­jen su doar­jut dán jagi. Son na­mu­ha maid iežas váhnemi­id ja earáid geat dor­jot su.

– Mus le­at spon­sorat nu go Ut­sis mo­tors­hop, Vid­das Vei­de-

mann ja mu bar­goad­di Ny­moe Elek­tro. Sii dor­jot mu skohte­ro­sii­guin, ben­si­in­nain, ruđain ja dán jagi lea maid Ny­moe elek­tro ad­dán munn­je ko­art­ta ma­in­na bea­san die­sela de­av­dit. Dat gal ve­ah­ke­ha olu, ov­dame­ark­ka dih­te manná ben­si­id­na sul­lii 300 liht­ta­ra gea­sis, mui­tala Ni­il­las Jovn­na.

Suo­hka­nis unnán be­roštup­mi

Son mui­tala iežas ožžon di­ibmá valáštal­lan­bálk­kašu­mi, muhto muđui lea unnán gul­lon suo­hka­nis su Euro­hpámeašttir­gil­vvu bohto­si­id bir­ra. Sus led­je olbmát lági­dan Em-áv­vudea­mi gos áv­vud­ed­je su vuoittu, do­hko led­je maid Face­bo­ok bok­te bov­den Gu­ov­dage­a­innu suo­hkana sátne­jođi­head­dji. Áid­na gii bođii ear­ret olbmát ja muh­tin jour­na­lis­ta, lei Suo­ma be­al olm­moš.

- Lean dál golbma jagi vuodján duođalaččat, muhto ain lea nu ah­te il­lá jur be­as­sat dan ovt­ta gil­vvu do­al­lat dáp­pe Gu­ov­dage­a­inn­us. In le­at goit ožžon alm­mo­laš gi­i­tosi­id suo­hka­nis, ii ge lean suo­hka­nis ok­ta­ge gii bođii mu áv­vude­a­p­mái. Baicce gal bođii Suo­ma sáme­dik­kis vár­re­pre­side­an­ta, son doa­lai vel sárt­ni dop­pe, mu­it­taša Läns­man.

Guht­ta buore­musa juo­hke riik­kas

Loa­hp­page­asi lea jo­av­ko-em gil­vu. Da­sa bes­set guht­ta buore­musa juo­hke riik­kas, nu ah­te dat lea dakkár masa vállje­juv­vo­jit vuod­djit geasi miel­de. Ni­il­las-jovn­na lo­hká alcces doai­va­ga da­sa be­as­sat.

Go Áv­vir loa­h­pa­ha jeara­hal­la­ma, de báhcá Ni­il­las Jovn­na ain ráhk­ka­nit ja páhk­ket, go iđđes ár­rat lea vuolg­ga Ruŧŧii gos son galgá gil­vvo­hal­lat vuost­taš vuorus Ruoŧameašttir­gil­vvuin.

Gov­ven: El­len Ma­ri­an­ne Si­ri

IN VUOLG­GE SILB­BA DIH­TE: Su nie­hku di­ibmá lei vuoitit Euro­hpámeašttir­gil­vvuid. Dan son na­go­dii ja dán jagi ii ge lo

ga vuodjit gal silb­ba dih­te. – Miht­tu lea gol­li vuoitit, mui­tala Ni­il­las-jovn­na Läns­man.

Gov­ven: Priváhtag­ov­va

OK­TII HÁRJE­HAL­LAN: Ni­il­las-jovn­na mui­tala ah­te son lea ok­tii hárje­hal­lan ov­dal gil­vvuid. In bea­sa Norg­gas hárje­hal­lat, nu ah­te šat­tan riik­karáji rast­til­dit jus galg­gan hárje­hal­lat, mui­tala son.

Gov­ven: El­len Ma­ri­an­ne Si­ri

RUONÁ JA ČUV­GES­RUOK­SAT: Su Po­la­ris RMK 800 lea čiŋa­huv­von olu ivn­nii­guin. Dat gea­suha olbmuid ge­hčči­id buot agi­in, mui­tala Ni­il­las Jovn­na. Vel nie­id­da­id ge, skelbmoša son.

Gov­ven: El­len Ma­ri­an­ne Si­ri

RÁHK­KA­NIT: Ea­h­ke­da ov­dal go vuolgá, de fer­te si­h­ke gea­hččalad­dat ođđa gilvo­bik­ta­si­id, oai­ve­suoji ja skohte­ra ráhk­kanaht­tit.

Gov­ven: El­len Ma­ri­an­ne Si­ri

SKRUVVET: Son lea ráhk­kanea­me gil­vvuide ja de lea ge olu maid fer­te čuogg­ut skohte­ris vai buot doaibmá nu go galgá. Li­h­kus lean dál 10 jagi crossaskohteri­id čuggon, mun lá­ven goit ieš skruvvet, mui­tala Ni­il­la­sjovn­na.

Newspapers in Northern Sami

Newspapers from Norway

© PressReader. All rights reserved.