Dárbbašat go bar­gi ovt­ta beaivái?

Avvir - - OĐĐASAT -

NORGA: Nuo­raid Ope­ra­sjon Dags­verk (OD) da­hje ope­rašuvd­na beai­ve­bar­gu lági­duv­vo skáb­mamánu nup­pi beaiv­vi, 02.11. 2017.

– Olu nuorat ohcet dál bar­go­saji gos sáhtášed­je bar­gat dán beaiv­vi. Nuorain le­at olu návc­cat ja sáht­tet ve­ah­ke­hit máŋg­ga láhkái. Jus dii dárbbaše­h­pet muh­ti­ma gii sáhtášii din ovd­das stiv­ret so­siá­la mediaid dán beaiv­vi? Da­hje dárbbašat re­por­ta­ra ovt­ta beaivái? Da­hje muh­ti­ma gii sáhtášii čor­get da­hje bar­gat eará smáv­va barg­guid? lo­hká diehto­juo­hkinne­av­vu Trond Tveit pre­as­sa­dieđáhu­sas.

Ruđaid maid nuorat čog­get barg­gu bok­te, manná Ni­ge­ria nuo­raid doar­jut vai ožžot buo­ret eall­inve­jo­lašvuođaid ru­ovt­turiik­kas. Ni­ge­rias lea máilm­mi stuorá­mus oljo­roassu jus­ta dál. Badjel 50 jagi lea ol­jobo­hkan bili­dan Ni­ge­ret­non­jálm­mi birra­sa oalát. Olu báik­ki­in ii le­at ve­jo­laš šad­da­dit borra­muša, guo­lit le­at jáv­kan jo­gain ja ju­hkančáhci lea nuosk­ki­duv­von. Olbmot le­at mas­sán bir­ge­ju­mi, eai ge sáh­te sád­det mánái­da­sa­set skuv­lii.

Diehto­juo­hkinne­av­vu Trond Tveit de­attu­ha nuoskide­ap­mi lea eamb­bo go bili­dit luond­du, nuosk­kide­ap­mi buk­tá gea­fivuođa.

Newspapers in Northern Sami

Newspapers from Norway

© PressReader. All rights reserved.