Sáv­vát li­hku ođđa Sá­me­dig­gái

Avvir - - OAIVEČÁLUS -

Od­ne boahtá Ma­jes­tehtalaš Go­na­gas Harald V ra­hpat gávccát Sáme­dik­ki, ja dieđus le­at sá­meálbmogis stuor­ra vuordá­mušat ođđa Sá­me­dig­gái man ái­godat bi­stá nje­all­je jagi. Lea šad­dan buor­ren dáh­pin ah­te go­na­gas ra­hpá ođđa sá­me­dig­geái­goda­ga juo­hke nje­alját jagi. Dat oa­innát lok­te árv­vu min Norg­ga bea­le sámi­id álbmot­vállje­juv­von par­lame­ant­tas mii Sá­me­dig­gi lea ge. Dan ovd­das dieđus le­at mii sá­mit gi­ite­vaččat, go riikao­aivá­muš at­ná fuo­la Sáme­dik­kis ja sámi­in. Lei ge jus­te go­na­gas Harald gii 1997 sá­me­dig­gera­hpansárt­nis da­jai «Norg­ga stáhta lea vuođđu­duv­von gu­ovt­ti álbmoga ter­ri­to­riai – dáččaid ja sámi­id». Dat sá­nit dieđus le­at me­ark­kašan ollu sámii­de, go riikao­aivá­muš, nu go go­na­gas lea, dovd­dastii ah­te Nor­ga lea vuođđu­duv­von sámi­id ja dáččaid eat­nami­id­da.

Vaik­ke dan eat vuohte gal ot­ná dán beaiv­vi doar­vái bu­res ieš­guđet­lá­gan po­liti­hkalaš prose­as­sain sá­mi guo­ski ášši­in, ah­te sá­mit bes­set me­ar­ri­dit ieža­set ášši­id badjel. Norg­ga bea­le sámii­de ii le­at ge vel mieđi­huv­von iešme­ar­ride­ap­mi ieža­met áššii­de. Dan eat le­at ola­han vaik­ke go­na­gas Harald 20 jagi das ov­dal juo de­attu­hii, ah­te Norg­ga stáhtas lea ere­no­amáš ovd­dasvástá­dus láhčit dilálašvuođa vai sá­mit bes­set huk­set gi­evrras ja ce­avzi­lis ser­vo­da­ga. Dan dieđus sá­mit eai bea­sa da­hkat nu gu­hká go Norg­ga eise­váld­dit eai luv­ve eamb­bo ruđalaš návc­caid Sá­me­dig­gái ja da­sa las­sin eai ge mieđit Sá­me­dig­gái iešme­ar­rideami. Dan­ne oažžu ge jear­rat man­ne Norg­ga Stuor­ra­dig­gi ja ráđđe­hu­sat eai le­at dán 20 ja­gis ovd­di­dan buo­ret ve­jo­lašvuođaid sámii­de vaik­ke Norg­ga go­na­gas Harald de­attu­hii juo dal­le, ah­te Nor­ga lea hukse­juv­von gu­ovt­ti álbmoga eat­nami­id­da.

Mii sá­mit han dárbbašat gi­evrras ja be­ak­ti­lis álbmot­vállje­juv­von or­gá­na mii ovd­di­da sámi­id ášši­id eise­válddi­id ek­tui.

Dat aŋk­ke čáje­ha dan duohtavuođa, ah­te Sá­me­dig­gái lea ain dár­bu. Mii sá­mit han dárbbašat gi­evrras ja be­ak­ti­lis álbmot­vállje­juv­von or­gá­na mii ovd­di­da sámi­id ášši­id eise­válddi­id ek­tui. Od­ne vállje­juv­vo ge Norg­ga Sámi­id Rii­kase­arv­vi Ai­li Ke­ski­ta­lo ođđa sá­me­dig­ge­pre­side­an­tan, nu ah­te su olg­gi­id ala bid­d­jo dál stuor­ra ovd­dasvástá­dus le­at Norg­ga bea­le sámi­id nju­nušin. Vaik­ke dán va­hkku lea ea­naš dušše fe­as­ta, oa­h­pa­heap­mi ođđa ái­ra­si­id­da ja il­lude­a­p­mi, de diehtit ah­te ođđa pre­side­ant­tas ja muđui ol­les Sáme­dik­kis, si­h­ke po­liti­hk­kari­in ja háld­da­hus­bar­gi­in, le­at stuor­ra ja de­hálaš barg­gut ovd­da­beal­de si­hk­karas­tin dih­te sámii­de buo­ret eavttuid Norg­gas. Dan de­hálaš bar­gui sáv­vat mii li­hku ja li­h­kostuv­va­ma ođđa Sá­me­dig­gái, go dan luoht­tá­mušat le­at ožžon po­liti­hk­ka­rat álbmogis válg­gaid bok­te.

Newspapers in Northern Sami

Newspapers from Norway

© PressReader. All rights reserved.