Roms­sa ja Nord­lánd­da OĐĐAJAGEMÁNNÁ

Avvir - - FRONT PAGE - Astrid He­lan­der astrid.he­lan­der@av­vir.no

Roms­sa ja Nord­lánd­da ođđa­jagemánnán šat­tai Bir­git-alet­te, gii riegádii vuost­taš ođđa­jage­beaiv­vi ti­ibmu 09:01.

Nord­lán­da ja Roms­sa ođđajagemánná riegádii Unn-har­stad bu­ohc­ci­vie­sus Hárst­táid gáv­po­gis ođđa­jagemánu vuost­taš beaiv­vi ti­ibmu 09:01. Váhne­mat le­aba kárášjo­hkalaš Mat­his Áilu Ei­ra Mel­øy ja Sil­je Merete Karl­sen.

– Nieida lei 49 sent­te gu­hk­ki ja 3495 grám­ma los­sat. Lea hui dábálaš gu­hk­ko­dat ja de­ad­du, lo­hká máná áhčči, Mat­his Áilu Ei­ra Mel­øy.

Mui­tala soai leaig­ga ov­dagihtii šiehtan ah­te jus lea nieida, de galgá nam­ma le­at Bir­git-alet­te, muhto eaba lean makkár­ge na­ma me­ar­ri­dan jus lea gán­da. Son mui­tala soai eaba há­lii­dan diehtit lei go nieida vai gán­da go vál­dui ul­traji­et­na, ja ár­vala son soaitá le­at boa­resáigásaš dan dá­fus.

– Guk­tuid áhkuid gáibmi. Alet­te mu eat­ni gáibmi ja Bir­git fas Sil­je eat­ni gáibmi. Jáhkán Bir­gi­ta­let­te lea Nord­lánd­da ja Roms­sa ođđajagemánná, muhto ii Finn­márk­ku, oid­nen medias, lo­hká Mat­his Áilu Ei­ra Mel­øy.

Ál­kit go lea riegá­dan jagi álg­gus

Nie­id­daža áhčči, Mat­his Áilu Ei­ra Mel­øy, mui­tala soai fi­nai­ga bu­ohc­ci­vie­sus beaiv­vi ov­dal ja vuost­taš ođđa­jage­beaiv­vi ču­ov­gane­ap­mái, de ma­nai čáhce­váh­pi, ja soai vuod­djái­ga bu­ohc­ci­vis­sui ja jo­avd­dai­ga bu­ohc­ci­vis­sui čieža áig­gi. Gu­ovt­ti ti­im­mu maŋŋá, ti­ibmu 09:01, riegádii Bir­git-alet­te.

– Visot ma­nai luond­du miel­de. Mánná galg­gai riegá­dit 31. beaiv­vi, muhto munno miht­tu lei ah­te mánná eask­ka galg­gašii riegá­dit ođđa­jagi álg­gus. Le­at olu áššit mat šad­det ál­ki­bun, nu mo mánáid­gár­di, njuolg­ga­du­sat ja maid skuvlla dá­fus, lo­hká Mat­his Áilu Ei­ra Mel­øy. Son

mui­tala Bir­git-alet­tes lea viell­ja, Áilu, gii dál lea gu­ovtte­ja­hkásaš. Son maid lei fárus bu­ohc­ci­vis­sui.

– Áilu ád­de gal ah­te lea mánná. Áddii ah­te galgá le­at si­i­vui lea­hkit go buorre­stii oappá, mui­tala Mat­his Áilu Ei­ra Mel­øy.

Muhto máná áhčči ii le­at áib­bas si­h­kar áddii go gánd­daš ah­te Bir­git-alet­te maid gul­lá sin be­ar­rašii.

Sá­me- ja dáro­gie­la mánái­guin

Mui­tala Hárst­táid áhkku lea oaid­nán áhkkuba, muhto ii Kárášjoga áhkku. Lo­hká iežas jáhk­kit Kárášjoga áhkku maid iđis­ta farg­ga.

– Son sáht­tá fáhk­ka sku­vi­hit dei­ke, sápme­laččaid láhkai. Ii sápme­laš plá­ne ja­hke­bea­le ov­dal, muhto do­hkke­ha nie lea dil­li go boahtá, lo­hká Mat­his Áilu Ei­ra Mel­øy. Mui­tala iežas hál­lat gánd­dain, Áil­luin, sá­me­gie­la ja ead­ni hál­lá fas dáro­gie­la mánáin ja nu da­hka­ba maid nie­id­daži­in.

Ii le­at ál­kit

Hárst­táid gi­eld­da mánáid­gárde­fá­ga­laš jođi­head­dji To­ve Sa­ka­rias­sen ii mieđa da­sa ah­te bu­ot šad­dá ál­ki­bun jus lea jagi álg­gus riegá­dan, nu mo Mat­his Áilu Ei­ra Mel­øy oaiv­vil­da go láh­ka riev­dá dađista­ga. Mánáid­gár­deláh­ka ču­ov­vu skuv­la­jagi ja bu­ot mánáin, geat dev­det jagi ov­dal bor­gemánu 31. beaiv­vi, lea vuoi­gatvuohta oažžut saji ok­ta­saš sis­avál­di­mis njukčamá­nus.

– Dál sáht­tet maid ohcat saji jus mánná lea riegá­dan čakča-, golg­got- ja skáb­mamá­nus. Muhto jus mánáid­gárd­dis lea ra­bas sajit, de sáht­tá stiv­ra me­ar­ri­dit ad­dit saji eará mánái­de bir­ra jagi, čil­ge Hárst­táid gi­eld­da mánáid­gárde­fá­ga­laš jođi­head­dji To­ve Sa­ka­rias­sen.

Gov­va: Tore Ska­dal. ht.no

Ođđajagemánná: Bir­git-alet­te eat­ni, Sil­je Merete Karl­se­na, sálas Unn-har­stad bu­ohc­ci­vie­sus Hárst­táid gáv­po­gis. Máná áhčči Mat­his Áilu Ei­ra Mel­øy ja stuorra­vi­el­ja Áilu se­aŋg­ga báld­das.

Newspapers in Northern Sami

Newspapers from Norway

© PressReader. All rights reserved.