Musi­hk­ka ja «tub­ben» nuo­rai­de Suo­mas

Avvir - - SÁHKALAGA -

Sá­me­nuo­rai­de le­at doalut si­h­ke Vuo­hčus ja Mikke­lis dán giđa gos nuorat bes­set bar­gat si­h­ke musi­hkain ja film­mažii­guin.

Sá­me­nuo­raid dáiddadáh­páhus lági­duv­vo Vuo­hčus, cuoŋománu 12 .beaiv­vi, ja fád­dá le­at musi­hk­ka ja «tub­ben». Ol­les dáh­páhusa temán lea Nuor­ra Kul­tuv­ra -temá miel­de «Iežan ji­et­na».

Mie­ssemánu 25.-27. beaiv­vi lági­duv­vo Nuor­ra Kul­tuv­ra Sounds-dáh­páhus Mikke­lis, masa sá­me­nuo­raid ovd­daste­ad­djit vállje­juv­vo­jit Vuo­hčus.

«Tub­bár» ve­ahk­kin

Tub­ben-šlája ollašuht­timii oas­sálastá maid­dái Sá­mi oa­h­pa­hus­gu­ovd­dáža vir­tuálaskuvlla Árk­talaš pe­da­gogi­i­ja -fidnu, guh­te ord­ne jagi álg­gus ok­ta­saš gáid­dus­skuv­len­dilálašvuođa oa­h­pa­hed­djii­de ja ohppii­de. Miel­de lea dal­le dovd­dus «Tub­bár», guh­te ad­dá gui­go­si­id ohppi­id ieža­set vi­deo­id ráhkade­ap­mái.

Oas­sin riikk­avi­i­do­saš fierp­má­da­gas

Dáiddadáh­páhus ord­ne­juv­vo vur­ro­lagaid sierra gi­eld­dain ja da­sa bovde­juv­vo­jit bu­ot sá­mi mánát ja nuorat si­h­ke bu­ot sá­me­gie­la ja sá­me­gie­lat oa­h­pa­hu­sas lea­hk­ki mánát ja nuorat. Sá­me­nuo­raid dáiddadáh­páhus lea lok­ten oid­no­sii máŋ­ga ođđa dáid­dára ja oas­sálas­tin lea álo leam­ašan hui viššal. Dáiddadáh­páhus lea oas­sin riikk­avi­i­do­saš Nuor­ra Kul­tuv­ra –fierp­má­da­gas se­am­ma dá­sis go eará gu­ov­lo­dáh­páhu­sat miehtá Suo­ma. Riikk­avi­i­do­saš temá (musi­hk­ka, teáh­ter ja dán­sa) las­sin sá­mi dáh­páhu­sas lea álo leam­ašan juoga ere­no­amáš sá­me­kul­tuvrii lak­táse­ad­dji temá, čál­lá Suo­ma Sá­me­dig­gi neaht­ta­si­id­dus.

Ieš­guđet­lá­gan suorg­git

Lágid­ed­dji­id mie­las lea leam­ašan de­hálaš duv­dit da­id astoáigge­doaimmaid, mat le­at sá­me­nuo­rai­de mihtil­ma­sat ja maid­da sii eane­mustá oas­sálas­tet. Dan­ne juoi­gan ja láv­lun le­at leam­ašan dávjji­but temán go eará suorg­git. Musi­hk­ka­teáh­ter lea maid leam­aš bivnn­ut, nuba bihtái­de ráhk­kane­ap­mi giláži­id uh­ca skuvllain lea mield­dis­buk­tán máŋgg­alá­gan sierra astoáigge­doaimmaid. Sá­me­nuo­raid dáiddadáh­páhusa ulbmil ii goittot le­at čat­nat nuo­raid dušše ár­bevi­ro­laš du­jii­de ja doaimmai­de, da­nin bu­ot­lá­gan dáidda­suorg­git le­at miel­de vur­ro­lagaid.

Sá­me­dig­gi ord­ne ja­hkásaččat ovt­tas gi­eld­dai­guin ja báikkálaš sá­me­serv­vii­guin sá­me­nuo­raid dáiddadáh­páhusa.

Newspapers in Northern Sami

Newspapers from Norway

© PressReader. All rights reserved.