LE­AT SÁ­MI ARTISTTAT vuot vál­do­guo­im­muhead­djin

Avvir - - OĐĐASAT - Alice Bal­to

Isák ar­tis­ta, El­la Ma­rie Ha­et­ta Isak­sen mánnávuođa nie­hku ollašuv­vá go be­as­sá čuo­ja­hit Finn­mar­klø­pet láv­dái, son maid dan ok­tavuođas vuost­tas geard­de be­as­sá čuo­ja­hit ru­ovttubáik­kis.

Finn­marks­lø­pet be­a­na­gil­vvu ok­tavuođas johtá Láv­di Finn­márk­ku lávddi­in. Sii fi­na­dit lávddi­in Deanu Šald­dis, Vuon­na­bađas, Gir­kon­járg­gas, Kárášjo­gas, Gu­ov­dage­a­inn­us ja Ált­tás, kon­se­art­tat le­at nuvttá. Isák vu­ittii Sá­mi Grand Prixa. Isák nju­nuš, El­la Ma­rie Ha­et­ta Isak­sen, lo­hká sii le­at ilus go le­at ožžon dán ve­jo­lašvuođa.

– Mun lean álo lii­kon hirbma­dit Finn­marks­lø­pet doaluide. Lean fit­nan sin kon­se­art­tain ja dal­le smiht­ten di­en lávd­di ala há­lii­dan mun maid ok­tii, ja dál lea mu vuor­ru, dad­já Isak­sen Ha­et­ta.

Be­akkán

Isák jo­av­kkus le­at El­la Ma­rie Ha­et­ta Isak­sen ovt­tas buvttad­ed­dji­in Da­ni­el Erik­se­ni­in ja Rumb­bučuo­ja­hed­dji­in Alek­san­der Kostopou­lo­si­in. Jo­av­ku gul­lá elek­troni­hkašáŋŋerii, mas lávllate­avst­tat le­at eŋ­ge­las- ja sá­me­gil­lii. Jo­av­ku lea golbma siŋ­ge­la alm­mu­han maŋi­muš jagi, sii le­at oasálastán fes­tiválain, ja le­at jo dán jagáš Trond­heim Cal­ling fes­tivá­lii vuolgi­min čuo­ja­hit ja máŋ­ga eará fes­tivá­lii. Da­sa las­sin sii ožžo Sa­mi Mu­sic Awards dán jagáš ođđaál­gi bálk­kašu­mi, ja jo­av­ku lea maid Sá­mi Grand Prix vuoitit.

Ollašuv­vá mánnávuođa nie­hku

Láv­di Finn­márk­ku lávde­tur­neas lea sá­mi jo­av­ku Isák, El­la Ma­rie, vál­do­ar­tistan, ja nu go dábálaččat, de le­at maid báikkálaš artisttat čuo­ja­heam­en da­id báik­ki­in gos sii fi­na­dit. Ha­et­ta Isak­sen mui­tala son lávii mánnán juo Finn­marks­lø­pet ja Láv­di Finn­márk­ku kon­se­art­tain fi­na­dit.

– Il­lu­dan máhc­cat ruok­tot, Det­nui. Lea vuost­tas gear­di go čuo- jahan ru­ovttubáik­kis, šad­dá somá, dad­já El­la Ma­rie Ha­et­ta Isak­sen. Son lea bu­ohca­min nuorv­vuin dál, ja mui­tala ah­te dál ii le­at go divššo­dit das­sái go ol­goáim­mus galgá láv­lut.

Ilus

Láv­di Finn­márk­ku buvttade­ad­dji Kai Som­by mui­tala sii le­at ilus go le­at ožžon miel­de be­akkán Isák jo­av­kku.

– Isák lea hui geld­do­laš jo­av­ku ja lea somá ođđa olbmuid oažžut miel­de. El­la iežas jo­av­kkuin lea da­hkan máilm­mi bu­res maŋi­muš jagi­id, mii há­lii­dat maid miel­de lokte­mis su. Son lea ođđa, geld­do­laš ar­tis­ta, dad­já Som­by. Son ii loga diehtán ah­te El­la galgá dál vuost­tas geard­de čuo­ja­hit Dea­nus.

– Deatnu lei vuost­tas gi­el­da mii ráhkadii Finn­marks­lø­pet bisá­nansaji stuo­ri­sin. Mánát ráhka­ded­je ji­ekŋaskulp­tuvrraid, ja dasto vi­idáse­ap­pot. Lea rivt­tes somá go El­la be­as­sá de dop­pe čuo­ja­hit dál vuost­tas geard­de, dop­pe gos bisá­nansaji šov­va ál­gu lei, dad­já Som­by.

Báikkálaš artisttat

Som­by ii loga vel le­at sajis makkár báikkálaš artisttat gal­get vel čuo­ja­hit.

– Le­at da­in­na be­li­in ain bar­ga- min. Hui de­hálaš ah­te mii le­at miel­de lokte­mis min ieža­met nuo­raid ja ah­te sii bes­set lávd­di ala. Sii sáht­tet le­at min boaht­teáig­gi artisttat, dad­já Som­by.

Isák lea áid­na jo­av­ku mii johtá báik­kis báikái.

alice@av­vir.no

Pre­as­sag­ov­va

Isák jo­av­ku lea dán jagáš vál­do­ar­tis­ta Láv­di Finn­márk­ku live show tur­neas, mat lági­duv­vo­jit Finn­marks­lø­pet ok­tavuođas.

Newspapers in Northern Sami

Newspapers from Norway

© PressReader. All rights reserved.