MEARKABEAIVI 22.9. - Skápma álgu

Skábma lea dat áigi jagis go beaivváš ii loktan almmiravdda bajábeallai. Nuba skábma bistá dađe guhkit mađe davvelit báiki lea. Min guovlluin, nu go Ohcejogas ja Kárášjogas dat álgá skáb- mamánu gaskamuttus ja bistá gitta ođđajagemánu gaskamuddui. Poláragierdu lea dat rádjá, man máttabealde ii leat goassige skábma. (Dieđusge fas eatnanspáppa nuppe bealde). Suoma bealde lea skábmarádji Roavvenjárga, Norgga bealde Muoffi ja Ruoŧas fas Johkamohki.

Davvipolas skábma bistá jahkebeale ja ijahisidja fas nuppi guhtta mánotbaji.