Je­sus dáht­tu bu­o­ri­dit

Ru­h­kos

Avvir - - SÁHKALAGA -

Ii lean buor­re le­at spihtálaš Je­susa áig­gi. Juvd­dálaččain led­je gar­ra njuolg­ga­du­sat da­sa mo spihtálaš olbmot ožžo la­hko­nit sin geat led­je de­arv­vaš olbmot. De lei nu ah­te muh­tin spihtálaš ri­hkku bu­ot njuolg­ga­du­said ja boahtá Je­susa lusa, luoitá­da su ovdii ja átnu ve­ahki. «Jus don dáhtut, de sáhtát buh­tistit mu.» Mark. 1,40. Je­sus vás­tida ja ri­hkku bu­ot daláš njuolg­ga­du­said. Son gei­ge gi­eđa ja guoskka­ha spihtálaš olbmá. Je­sus vás­tida ah­te son dáht­tu bu­o­ri­dit su. «Mun dáh­tun, šat­ta buh­ti­sin» son dad­já. Dušše­fal Ip­mil sáht­tá nu da­hkat. Je­sus čáje­ha gii son lea, ja son da­hká dan čáje­han dihtii ah­te son lea Kris­tus, Ip­mila Bárd­ni. Olm­mái guh­te buh­tistuv­vui, oaččui dieđu ah­te ii oaččo mui­ta­lit dan ok­tii­ge, muhto son ii máššan, son mui­ta­liš­gođii dan bu­o­hkai­de. Ja olbmot gul­le Je­susa bir­ra, ja Je­sus fertii mannat olg­g­obe­al­lái gáv­poga. «Liikká­ge olbmot bohte su lusa juo­hke gu­ovl­lus.» Maid­dái mii oažžut boahtit Je­susa lusa min bu­o­zanvuođai­guin, min vuoiŋŋalaš dárbbui­guin ja jearal­da­gai­guin. Son ain dál ge da­hká oav­du­da­guid. Je­sus sáht­tá ja dáht­tu guoskka­hit min rup­maša ja si­elu. (KPK)

Newspapers in Northern Sami

Newspapers from Norway

© PressReader. All rights reserved.