Gávd­nan eal­li bohcco mas lei oalul báhččon ga­skat

– Leat dieđut mat ču­ju­hit dan guv­lui ah­te soitet eamb­bo bohccot báhččon gu­ovl­lus, duođašta po­liti­i­ja­ho­av­da In­ger Ani­ta Øvre­gård.

Avvir - - FORSIDE - An­ne Ma­ret Sa­ra an­ne.ma­ret@av­vir.no

Man­nan va­hk­kus gávd­ne boazo­do­al­lit Roms­sa fyl­kkas guok­te báhččon bohcco. Bohccot led­je ain eallime go boa­zoeaig­gá­dat gávd­ne da­id, ja nup­pis lei oalul dod­d­jon nu ah­te nju­ovčča dušše heaŋgái.

– Sáhtán duođaštit ah­te mii leat ožžon vái­da­ga boazo­dol­li­in bohc­cuid bir­ra mat leat báhččon, ja maid eaig­gá­dat dán geažil ferte­jed­je god­dit, duođašta boazo­po­liti­i­jaid ho­av­da, In­ger Ani­ta Øvre­gård Áv­virii.

Sáht­tet ain eamb­bo báhččon

Po­liti­i­jat maŋŋel ožžot ođđa dieđuid mat sáht­tet čáje­hit ah­te leat ain eamb­bo bohccot mat leat báhččon se­am­ma gu­ovl­lus.

Po­liti­i­jat dih­tet gu­ovt­ti bohcco bir­ra mat áib­bas si­hk­ka­rit leat báhččon, muhto bal­let ah­te soitet ok­ti­ibu­ot viht­ta báhččon bohcco.

– Da­sa las­sin bal­lat mii ah­te leat eamb­bo bohccot mat leat báhččon, mat eai leat gávd­non. Po­liti­i­jat eai leat oaid­nán da­id, muhto leat ožžon dieđuid dan bir­ra ah­te boazo­do­al­lit maŋŋel leat oaid­nán eamb­bo skierbmá bohc­cuid, mii sáht­tá ču­ju­hit ah­te maid­dái dat leat báhččon, lo­hká Øvre­gård.

– Sáht­tá leat sáh­ka boazosuoládeam­is

Vaikko po­liti­i­jat eai oaččoge dávjá dieđuid boazosuoládeami bir­ra, de ii loga In­ger Ani­ta Øvre­gård ah­te lea ea­h­pedábálaš ah­te dakkárat gev­vet.

– Sáht­tá leat ah­te ba­há­da­hk­ki lea ái­gon suolá­dit bohcco, da­hje juo lea muh­tin gii dušše lea báhčán bohcco jus lea boazo­doalu vuostá vuoste­háhku. Dan lea vát­tis mid­jii­de diehtit, muhto ii leat aŋk­ke ortne­gis báhčit bohc­cuid dáin­na lági­in, go boa­zu šad­dá da­in­na gil­lát, lo­hká boazo­po­liti­i­ja­ho­av­da.

Øvre­gård de­attu­ha maid de­hálašvuođa das ah­te boa­zoeaig­gá­dat dieđi­hit jus dákkár dáh­páhu­sat gev­vet.

– Lea de­hálaš ah­te boazo­do­al­lit dieđi­hit dákkár ášši­id bir­ra, vai mis lea ve­jo­lašvuohta gea­hčča­lit oažžut áššáis­kuht­ti­ma.

– El­li­id­givs­side­ap­mi

Boazo­po­liti­i­ja­ho­av­da ii loga ieža­set nu dávjá oažžut dieđuid báhččon bohc­cuid bir­ra, muhto lo­hká aŋk­ke ah­te dáh­páhuv­vá ah­te ožžot dieđuid.

– Ii leat ve­aháš­ge ortne­gis dáin­na lági­in bar­gat bohc­cuid vuostá, go boa­zu šad­dá da­in­na gil­lát, lo­hká Øvre­gård.

Son ii loga po­liti­i­jain makkár­ge luot­taid maid sáht­tet is­kat gávnna­han dih­te mii lea dáh­páhuv­van, muhto biv­dá olbmuid cav­gi­lit jus dih­tet mai­de.

Áv­vi­ra lea moad­de beaiv­vi gea­hččalan oažžut sá­gai­de oro­haga ovd­das­ted­dji­id, muhto eat leat li­h­kostuv­van.

Čájáhus­gov­va: NTB Scan­pix/ Gorm Kal­le­sŧad

Gov­ven: In­ga Ma­rie Gutt­orm (vuor­kágov­va)

II ORTNE­GIS: Boazo­po­liti­i­ja­ho­av­da In­ger Ani­ta Øvre­gård ii liga ve­adjemeaht­tu­min ah­te lea sáh­ka boazosuoládeam­is, ii ge loga dan ve­aháš­ge ortne­gis.

Newspapers in Northern Sami

Newspapers from Norway

© PressReader. All rights reserved.