Njalk­kas Finn­márk­ku luot­taid al­de

Avvir - - OĐĐASAT - Roy Art­hur Ol­sen

Go dál­ki lea nu go lei man­nan va­hkko­loa­h­pa, beai­vet lieg­gacea­hkit ja ar­vi ja ihkku fas buo­laš, de sáhttet luot­tat šad­dat njal­kas.

– Mii eat sáh­te dad­jat ah­te lea dábálaš ah­te skáb­mamá­nus le­at dákkár dálk­kit, muhto maŋe­mus jagi­id lea šad­dan eamb­bo ja eamb­bo dár­bu gil­vit sád­duid luot­tai­de gasku dálv­vi, vel sis-finn­márk­kus ge, dad­já Stá­da luodda­do­aim­ma­haga bar­gi Tor­vald Trett­e­skog.

Jus ar­vá de lea vát­tis oažžut sád­duid biss­ut luot­ta al­de, johto­lat ja ar­vi daga­ha ah­te sáttu máid gil­vet luot­taid ala golgá eret jođá­nit.

– Biv­va­lis dálk­kit ja ar­vi lea hui vát­tis mid­jii­de. Bi­il­a­vud­djii­de sáht­tá or­rut dego ii oba livčče ge gil­vo­juv­von sáttu luot­ta ala, dad­já Trett­e­skog.

Ii le­at sál­ti

Go sál­te luot­taid, de le­at golbma oai­vi­la das, gar­vit ah­te luot­tat jikŋot, sudda­dit luot­taid go jikŋot ja daga­hit ah­te luot­taid al­de šad­dá ál­kit čor­get eret muoht­ta­ga go bor­gá. Finn­márk­ku luot­tai­de ii atno sál­ti, muhto dušše sáttu.

– Mii eat sál­te luot­taid go bi­il­avuod­djit le­at nu gar­ra­sit vuostálastán dan. Bi­il­lat rus­tot ja bir­ra­sii ii le­at buor­re go be­are ollu sál­ti šad­dá, čil­ge Trett­e­skog.

Ollu dálkká­da­gain ii le­at oba áv­ki ge sál­tet luot­taid. Lea dušše go luot­tain le­at eare­no­amáš dilálašvuođat go lea áv­ki sál­tet, ja dat dilálašvuođat eai le­at finn­márk­kus báljo goasse­ge.

– Go lea bir­ra­si­id 0 grá­da ja luot­tat sud­det ja jikŋot dađista­ga, de livččii áv­ki sál­tet. Galgá is­so­ras ollu sál­ti ov­dal go sudda­da ji­eŋa eret luot­ta al­de, čil­ge Trett­e­skog.

Bu­ot bi­il­lat

Sot­na­beaiv­vi, go luot­tat led­je bu­ot hea­ju­mu­sat, led­je bu­ot bar­git barg­gus, geain lea soahpa­muš Stá­da luodda­do­aim­ma­ha­gain.

– Mis le­at sul­lii golbma mi­il­la gu­hko­dat maid juo­hke bi­i­la galgá vuodjit. Bu­ot bi­il­lat led­je jođus iđđe­dis ea­hkedii, das­sážii jask­kodii, mui­tala Trett­e­skog.

Go sis-finn­márk­kus ii dáh­páhuva dát nu dávjá, de ii le­at Stá­da luodda­do­aim­ma­hat álo gárv­vis jus šad­dá dákkár dil­li.

– Me­arragátti­in gos dát dálk­kit le­at eamb­bo dábálaččat, dop­pe mis lea eamb­bo gearg­gusvuohta. Muhto dop­pe le­at maid se­am­ma vát­tisvuođat go sis-finn­márk­kus go fáhk­ka bi­val­da, dad­já Trett­e­skog.

Dálkká­dat gažal­dat

Trett­e­skog árv­voštal­lá ah­te lea sáh­ka dálkká­dat riev­da­mis, muhto ii áig­go kon­klu­de­ret maide­ge.

– Dáid maŋe­mus jagi­id le­at leam­aš eamb­bo ja eamb­bo biv­va­lis dálk­kit sise­at­na­mis gasku dálv­vi. Ja go dil­li šad­dá ná, de le­at mis olbmot ol­g­un bar­ga­min barg­guidea­set. Mii gal­gat álo le­at gearg­gus, muhto min bar­git čuv­vot ieža­set šiehtadu­said ja eat sáh­te gái­bi­dit eamb­bo. Mii bar­gat bu­ot máid sáht­tit vai luot­tat le­at nu buo­rit go sáhttet le­at, dad­já Trett­e­skog ja loa­h­pa­ha:

– Mii gil­vit sád­duid álg­gos alla luo­hkái­de ja gáv­valá­gai­de. Jus lea njuolg­go luod­da, de ii le­at dat mii vuor­uhuv­vo vuost­tažin. Mis lea johto­lat si­hk­karvuohta jur­dagi­in.

Bu­ot luodda­ovd­dasvás­tide­ad­djit sis-finn­márk­kus led­je barg­gus sot­na­beaiv­vi go bi­valdii ja ar­vigođii.

Gov­ven: Isak Mat­his O. Ha­et­ta

GU­OV­DAGE­A­INN­US: Davá­beal­de Čá­bar­dašjoga, Gu­ov­dage­a­innu suo­hka­nis, led­je guorbme­bi­il­lat bárta­huv­van.

Newspapers in Northern Sami

Newspapers from Norway

© PressReader. All rights reserved.