Sverre Eidem til minne
●●Det er med stor sorg partikameratar har tatt i mot beskjeden om at Sverre Eidem er gått bort. Eidem var aktiv i Sosialistisk Folkeparti frå starten i 1961, og han blei med over i Sosialistisk Venstreparti då partiet blei stifta i 1975. Han var ein organisasjonsbyggar og har hatt ei rekke sentrale tillitsverv i partiet. Eidem var ikkje av dei som stakk seg fram, men han sa aldri nei når partiet trengte hans engasjement og hans innsats. I fylkesstyret var han alltid opptatt av å ta vare på alle, og han hadde eit hjarte for dei små lokallaga. Heilt til det siste hadde han eit sterkt politisk engasjement for solidaritet både lokalt, nasjonalt og internasjonalt.
Sverre Eidem var av dei som alltid må ha noko å henge fingrane i, og det har Sosialistisk Venstreparti hatt stor glede av. Han har ein stor del av aera for at partiet har sitt eige hus i Kristiansand, og at det er pussa opp i fleire omgangar. Mange er dei timane han og andre har lagt ned for å skape ein samlingsstad for politisk og sosial aktivitet. Det er mange som har funne vennskap og politisk motivasjon i dette miljøet. Det er godt å vite at Eidem fekk med seg framgangen til Sosialistisk Venstreparti før han gjekk bort.
Vi lyser fred over hans minne.