Jord soit­ti vii­men Troms­sas­sa­ki

Ruijan Kaiku - - Forside -

oon kier­tä­ny Ruot­tia, Poh­jais-Rui­jaa ja Eu­rop­paa yli 15 vuot­ta mut­ta vas­ta tä­nä vuo­na het osut­hiin Troms­saan­ki - melk­kein Kvää­ni­kan­san päi­vä­nä!

Kon­ser­tin piet­hiin 19. mar­si­kuu­ta mi­kä oon St. Pat­ri­kin päi­vä eli ir­lan­ti­lai­nen juh­la­päi­vä. En­sin juh­litt­hiin kai­nu­lais­sii ja lop­puil­ta oli ir­lan­ti­lai­sen musi­kin juh­laa.

Troms­san kvää­ni­seu­ra ja vii­suklu­bi Spelt olt­hiin työ­tel­heet yhes­sä Jor­din kon­ser­tin et­heen. Troms­san fyl­kin­ko­muu­ni ja Rui­jan kvee­ni­liit­to olt­hiin an­tan­heet rah­haa et­te tä­män po­pu­lää­rin jou­kon saa­tais pel­laam­haan ja lau­lam­haan Troms­sas­sa­ki.

Troms­san kvää­ni­seu­ran puh­heen­joh­taa­ja Hel­ge Hu­ru muis­te­li pub­li­kum­mi­le kvää­niis­tä. Esi­mer­kik­si et­te jää­me­ren­kau­pun­ki Troms­san jää­me­ren­kip­pa­riis­ta ja harp­pu­nee­riis­ta ja hylk­heen­pyyt­tää­jis­tä hy­vin mo­net olt­hiin kai­nu­lai­set. Hän muis­te­li kans en­si­mäi­sen kvää­ni­seu­ran pe­rus­ta­mi­ses­ta se­kä kvää­nin kie­len ja kult­tuu­rin tärk­keis­tä as­siis­ta tää­pä­nä.

Hu­ru pu­hui se­kä kvää­nik­si et­te rui­jak­si, mo­le­mil­la kie­li­lä yh­tä pal­jon. Pub­li­kum­mii oli nuoin 170 ja pii­an kym­men­kun­ta heis­tä ym­mär­si kvää­nii.

Tri­ne St­rand lau­loi en­sin muu­ta­man lau­lun. – Mi­nun lau­luis­sa muis­tel­haan poh­jai­ses­ta ja reis­suus­ta. Mi­nu­le mi­nun kvää­ni­juu­ret oon yk­si reis­su his­to­ri­haan. Mie mat­ka­sin poh­jais­heen, Kjøl­lef­jord­hiin. Mi­nun tip­pol­de­muo­rin, Gus­taa­van ni­men pö­räs­sä lu­ki «Qvän».. Mi­kä se oli?

Rag­nar Ol­sen vii­suklu­bi Spel­tis­tä oli iloi­nen et­te kvee­ni­liit­to ja Troms­san kvee­ni­seu­ra olt­hiin oor­nan­heet Jor­din kon­ser­tin Tromss­haan. Hän tie­si mi­tä hän tin­ka­si.

– Mie olin kohđa­tel­lu ja kuu­lu heän musiik­kii ker­ran Ki­ru­nas­sa ja toi­sen ker­ran Rui­jas­sa­ki, ja met oli­ma mon­ta ker­taa pu­hun­heet ja freis­tan­heet et­te het tul­tais ja piđet­täis kon­ser­tin Troms­sas­sa. Mut­ta se ei on­nis­tun­nu ko vas­ta nyt! Kvää­ni­kan­san päi­vä oon kyl­lä jo ol­lu mut­ta mie ym­mär­rän et­te tet jak­sat­ta juh­liit us­seem­pa­na­ki päi­vä­nä, Ol­sen sa­noi.

– Krea­tii­vi­nen ja tuo­ret

Jord oli tur­nee­la mar­si­kuus­sa: Yy­keän­pe­räs­sä (Kafé Rui­ja), Rai­sis­sa (Hal­tin kult­tuu­ri­see­ni), Troms­sas­sa, Nar­vi­kin tal­vi­juh­la­vii­ko­la ja Ki­ru­nas­sa. Vii­mi­sen kon­ser­tin het piđet­hiin ko­ti­ken­tä­lä Erk­hei­kis­sä.

Rei­no Ol­li­la oli kuun­te­le­mas­sa Jor­dii se­kä Yy­keän­pe­räs­sä et­te Troms­sas­sa.

– Kafé Rui­ja Yy­keän­pe­räs­sä oli ai­van täy­nä, sie­lä oli var­mas­ti 70 hen­keä. Met häyi­mä ha­kea lis­sää too­lia­ki, Ol­li­la muis­te­lee.

Hän oon oik­hein ty­käs­tyn­ny Jor­din tyyl­hiin. – Hy­vät soit­taa­jat ja vaih­te­le­va musik­ki mis­sä oon var­mas­ti jok­hai­se­le jo­ta­ki mie­leis­tä. Se oon ai­van to­si et­te se oon mail­man­musik­kia, hän praa­maa.

– Hei­lä oon kans hy­vät se­li­tyk­set lau­lu­jen vä­li­lä, mis­sä het muis­tel­haan kie­les­tä ja kult­tuu­ris­ta, ja kaik­ki saa­haan ym­mär­ryk­sen mis­tä oon ky­sy­mys.

Ol­li­la tyk­kää sii­tä et­te Jord se­koit­taa van­haan ja uuđen musi­kin.

– Hei­lä oon se­kä omia et­te van­ho­ja Tor­nion­lak­son lau­lu­ja. Ei­kä heän in­stru­men­tit ole niin ta­va­li­set. Heil­lä ei esi­mer­kik­si ole ki­ta­raa ja rum­pu­ja. Se oon haus­ka nähđä et­te musik­kia voi soit­taa il­man ki­ta­raa­ki. Hei­lä oon hy­vin krea­tii­vi­nen ta­pa käyt­tää in­stru­ment­te­ja.

Ol­li­la oon kuu­lu Jor­dii mon­ta ker­taa ei­kä hän ole kyl­läs­tyn­ny ol­lenk­haan, ty­hä päin­vas­toin.

– Hei­lä oli Yy­keän­pe­räs­sä ja Troms­sas­sa eri lau­lut. Hei­lä oon niin iso re­per­tu­aa­ri et­te ei tar­vit­te kuu­la sa­mo­ja lau­lu­ja. Ja se oli hy­vä et­te het aloi­tett­hiin Meän maa­la ja lo­pe­tett­hiin hum­pa­la!

– Se­pät muusik­ke­rit

Ramf­jor­di­lai­nen Ivar Hans­sen oli kans tul­lu kuun­te­lem­haan Jor­dii.

– Mie nä­jin heiđät vii­mi vuo­na Rai­sis­sa Paas­ki­fes­ti­vaa­li­la. Het oon se­pät muusik­ke­rit! Sie­lä het pe­lat­hiin muun mu­vas­sa Cor­ne­lis Vreeswij­kiin lau­lui meän­kie­le­lä. Mut­ta näi­tä Tor­nion­lak­son lau­lui mie en tun­ne, Hans­sen muis­te­lee.

– Mi­nun su­ku oon Pa­ja­las­ta ja Tä­re­nös­tä, hän san­noo.

– No pii­an sie olet su­ku­lai­nen Er­ling Fredrik­so­ni­le, ko hän as­suu Tä­re­nös­sä!

– Ei­hään si­tä kosk­haan tiiä! Hans­sen nau­res­kel­lee.

Tri­ne St­rand med band åp­net kvel­den på Skar­ven pub i Tromsø der man fei­ret bå­de Kven­fol­kets dag og St. Pat­rick's Day, i re­gi av vi­seklub­ben Spelt.

Le­der Hel­ge Hu­ru i Tromsø kven­fo­re­ning øns­ket pub­li­kum vel­kom­men, bå­de på kvensk og på norsk.

Rei­no Ol­li­la syns Jord har en frisk og krea­tiv må­te å bru­ke in­stru­men­te­ne på, og en spen­nen­de blan­ding av nytt og gam­melt, eget og tra­dis­jo­nelt.

Rag­nar Ol­sen i vi­seklub­ben Spelt var fornøyd med at det en­de­lig klaf­fet å få tor­ne­dals­ban­det Jord til å spil­le i Tromsø.

Lii­sa Koi­vu­leh­to

lii­sa@rui­jan-kai­ku.no

Ver­dens­musikkgrup­pa Jord fra Tor­ne­da­len har spilt i Sve­ri­ge, NordNor­ge og Eu­ro­pa i over 15 år, men først 19. mars i år pas­set det at de

besøk­te Tromsø, i for­bin­del­se med fei­ring av Kven­fol­kets dag. I da­ge­ne før spil­te Jord også i Ski­botn (Kafé Rui­ja) 17. mars og Nordrei­sa

(Hal­ti kul­tursce­ne) 18. mars. KU­VAT: LII­SA KOI­VU­LEH­TO

Newspapers in Kven

Newspapers from Norway

© PressReader. All rights reserved.