Kulturnaering
y Naeringar som framstiller kulturelle produkt. Som kunstnarisk verksemd, bøker, aviser, bibliotek, museum, musikk, film, foto, design, annonse- og reklameverksemd, arkitektur, tv og radio.
Ingen klare svar
Når Aftenbladet i 2018 prøver å få svar på om måla om auka sysselsetting og verdiskaping innanfor kulturnaeringane blei oppnådde eller «avlesne», i 2013 eller seinare, viser det seg vanskeleg å få klare svar.
– Så vidt me kjenner til, blei det ikkje gjort ei avlesning slik det er skildra i planen, seier Ola Saue Førland i Greater Stavanger. Det vil seia: Han kjenner ikkje til at Greater Stavanger har vore involvert i ei slik avlesing, men viser til at«dette er en plan for kommunene i Stavanger-regionen sin innsats for å utvikle og styrke kulturnaeringene. Ansvaret for å igangsette, følge opp og gjennomføre planens tiltak ligger således hos kommunene», som det står i planen.
I april tok Aftenbladet kontakt med dåverande naeringssjef i Stavanger kommune, nå regiondirektør i NHO Rogaland, Tone Grindland. Tida gjekk. På forsommaren kunne ho ikkje svara konkret på om talet på sysselsette i kulturnaeringane i Stavanger, omsetninga i kulturnaeringa eller talet på bedrifter innan kulturnaeringane har gått opp.
Grindland viste vidare til rådgjevar Paal Grini i kommuneplanavdelinga. Han sende over nokre grafar i slutten av mai som skulle visa utviklinga innanfor kulturnaeringar frå 2010–2017. Men sidan Grini ikkje hadde dei konkrete tala bak søylediagramma, var det ikkje godt å seia nøyaktig kva som var det faktiske innhaldet i statistikken. I motsetnad til i strategi- og handlingsplanen, var nå sport inkludert i kommunens