Bjervamoen har oppdrag i fleng

Det er også lysglimt i Nome-industrien. Bjervamoen trevarefabrikk i Lunde sentrum, som sysselsetter åtte personar, går så det susar.

– Omsetnaden i fjor auka med 30 prosent. I år ser det ut til å bli ein vekst på 20 prosent og ein samla omsetnad på naer seks millonar kroner, seier dagleg leiar Hans Olav Bastiansen.

Bervamoen trevarfabrikk, som produserer alle slags vindauge på bestilling, auka salet i fjor med 30 prosent. Dette året ligg det an til ein vekst på 20 prosent og ein samla omsetnad på naer seks millionar kroner.

– Dei mange bestillingane skaper vanskar for oss. Me må kjøre overtid kvar einaste dag og likevel er det problematisk å tilfredsstille alle kundane, seier dagleg leiar Hans Olav Bastiansen.

Bedrifta, som vart etablert allereie i 1929 av Hans Grinderud og Olav Bastiansen, har åtte tilsette. Dei produserer i all hovudsak vindauge, som leverast til kunder Midt-Telemark, Grenland og Oslo. Omlag 60 prosent går til firma og snikkarlag og resten til private.