Duterte, magiging ‘friendly’ na sa US

Balita - - News - Beth Camia at Ellson A. Quismorio

Handa na si Pangulong Rodrigo Duterte na makipagkaibigan sa Amerika at isantabi ang kanyang “independent foreign policy”.

Ito ang sinabi ng Pangulo sa kanyang talumpati sa pagdalo niya sa araw ng paggunita sa makasaysayang balangiga bells sa Eastern Samar nitong Huwebes.

Nangako si Duterte na maghihinayhinay na sa kanyang mga tirada sa United States.

Bumabawi na rin kasi ang US sa Pilipinas tulad ng pagtulong sa mga tropa ng pamahalaan sa pakikipaglaban sa teroristang Maute Group sa Marawi City, Lanao del Sur.

“This is all water under the bridge, I was under advice by the Department of Foreign Affairs, that I would temper my language and avoid cursing, which I am prone to do if I get emotional,” sinabi ni Duterte, ayon sa ulat ng iba’t ibang news outlets.

Hindi naman ikinatuwa ng mga miyembro ng Makabayan bloc sa House of Representatives ang bagong posisyon ng Pangulo.

“With his new, friendly rhetoric, President Duterte is signalling that, like his predecessors in Malacañang, he will dutifully ensure that the Philippines remains a client state of the US,” sinabi ni ACT-Teachers Party-List Rep. Antonio Tinio.

“He has dropped all pretense of forging an independent foreign policy and holding the US accountable for historic injustices committed against the Filipino people,” dugtong ng makakaliwang mambabatas.

Tinawag naman ni Anakpawis Party- List Rep. Ariel Casilao ang bagong pananaw ng Pangulo na isang uri ng “bowing down” sa post-Spanish colonial masters ng Pilipinas.

Newspapers in Tagalog

Newspapers from Philippines

© PressReader. All rights reserved.