Migrant’s protection, lalagdaan ng ASEAN
Lalagdaan ng mga kasaping estado ng Association of Southeast Asian Nations (ASEAN) ang kasunduan na nagsusulong sa mga karapatan ng mga migranteng manggagawa sa ika-31 summit ng 50-taong regional bloc sa Manila at Clark, Pampanga sa susunod na linggo.
Ayon kay Presidential Communications Operations Office (PCOO) assistant secretary Kris Ablan, ang paglalagda ang isa sa mga highlight ng 31st ASEAN Summit.
“One important agreement na magkakaroon ay magkakaroon tayo ng kasunduan o consensus on the right of migrant workers,” sabi ni Ablan sa panayam ng PTV-4 kahapon ng umaga.
“This is a big step. Kung meron tayong mga domestic helpers, professionals na pupunta ng Malaysia, pupunta ng Indonesia at in the same way na may mga pumunta dito, their rights as migrant workers will be protected,” paliwanag ni Ablan.
Ang ASEAN Consensus on the Protection and Promotion of the Rights of Migrant Workers ay unang inendorso ng Ministers ng ASEAN SocioCultural Community (ASCC) Council sa Tagaytay City nitong nakaraang Setyembre.