Panghabambuhay na pamana
SAkabila ng mga kontrobersiya sa kanyang administrasyon, tila nakagagawa pa rin ng mga imposibleng bagay si Pangulong Duterte, sa tulong ng kanyang mga kakampi, na mag-iiwan ng panghabambuhay na pamana para sa mga Pilipino.
Kabilang sa mga pangarap na ito ang tax reforms, sa pamamagitan ng Tax Reform for Acceleration and Inclusion ( TRAIN) scheme, na sosolusyunan ang hindi pagkakapantay- pantay ng mayayaman at mahihirap na Pilipino; ang ambisyosong “Build, Build, Build” infrastructure program na magiging daan upang mas maging palaban ang bansa sa buong mundo at magkakaloob ng mas maraming trabaho; at ang Universal Access to Quality Tertiary Education Act (RA 10931) na magbibigay ng libreng edukasyon sa kolehiyo at post secondary technical-vocational para sa mga Pilipino.
Ang reporma sa buwis at libreng matrikula ay batay sa mga hakbangin ni Albay Rep. Joey Salceda, isang kilalang ekonomista, na matagumpay na nagsulong ng ilang proyekto sa ilalim ng Build, Buil, Build program kabilang ang Bicol International Airport sa Albay at ang muling pagbangon ng 581- kilometrong Philippine National Railways (PNR) South Line na magkokonekta sa Maynila at Matnog, Sorsogon, at iba pa.
Masasabing ang pinakamahalaga sa mga programang ito ay ang libreng pag-aaral sa kolehiyo at teknolohiyang pang-edukasyon na mamumuhunan nang malaki sa mga kabataang Pilipino. Palalawakin nito ang kaparehong programa sa Albay na pinamunuan ni Salceda noong siya ay Albay governor mula 2007 hanggang 2016. Nakatulong ang programa sa 88,888 estudyante na makapagtapos. Kasama ang iba pang mga hakbangin sa programa, nakatulong ito na mabawasan ang kahirapan sa Albay mula 41% noong 2007, na naging 15% ngayon.
Nang lagdaan ni Pangulong Duterte ang batas sa libreng matrikula, iba’t ibang sektor kabilang ang mga pangunahing opisyal ng administrasyon ang nagpahayag ng pag-aalinlangan na kaya itong pondohan ng pamahalaan. Lalong umugong ang pag- aalinlangan makaraang maglaan ang Committee of Appropriations Committee, na pinamumunuan ni Davao Rep. Karlo Nograles at ni Salceda bilang senior vice chair, ng P41 bilyon dito mula sa budget ng 2018. Malinaw, sinabi kamakailan ng Malacañang na ang P6 bilyon buwis na ibinayad...