‘Best of Filipino artistry and talent’ mararanasan sa 50th ASEAN Summit

Mararanasan ng world leaders at kanilang mga kabiyak ang best of Filipino artistry and talent sa Special Gala Celebration ng 50th Anniversary ng Association of Southeast Asian Nations (ASEAN) sa Linggo.

Ito ay matapos ipahayag na ang Gala, na nakagawian nang idaos sa pagtatapos ng ASEAN Summit and Related Meetings, ay ililipat sa bisperas ng pagsisimula ng mga pagpupulong.

Batay sa programa na ibinigay ng Presidential Communications Operations Office (PCOO), si President Rodrigo Duterte ang magiging punong abala ng event sa SMX Convention Center sa Pasay City sa Linggo.

Isa sa mga layunin ng Gala ay ipagdiwang ang Summit kasama ang ASEAN at Dialogue Partner Leaders, kanilang mga kabiyak, at kanilang delegasyon, sa pamamagitan ng “a special brand of Filipino hospitality” na nararapat para sa mga lider ng mundo.

Nilalayon din nitong ipakita ang “best of Filipino artistry and talent” sa isang gabi ng namumukod-tanging Philippine music, dance, design, at culinary arts.

Ang Pilipinas ang bansang punong abala ng ASEAN Summit ngayong taon. Huling pinamunuan ng Pilipinas ang ASEAN noong 2007 at muli sa 2027. Ang Singapore ang nakatakdang susunod na host ng 2018 ASEAN Summit.