2 US senators, ilalagay sa barred list ni Digong

Posibleng hindi papayagang makabisita sa Pilipinas ang dalawang banyagang mambabatas na bumabatikos sa drug war ni Pangulong Rodrigo Duterte.

Ibininunyag ng Pangulo ang mga plano nito na ilagay ang “two senators” sa immigration list matapos magpahayag ng mga balak na protesta sakaling bumisita siya sa United States.

“Sabihin ko sa kanila, you are too presumptuous. What made you think that I am even planning or thinking about visiting your country?” ani Duterte sa press conference matapos makapulong ang Filipino community sa Da Nang, Vietnam nitong Huwebes ng gabi.

“I’d like to know their names also because I can include them in the Immigration barred list. Totoo. You are also prohibited from entering mine or I will protest if that is the farthest that I can go,” aniya.