861 kilong cocaine nasabat

SAN DIEGO (AP) – Nasabat ng U.S. Coast Guard ang mahigit 861 kilong cocaine na tinatayang nagkakahalaga mahigit $44 milyon sa Pacific coast ng South America.

Ipinahayag ng Coast Guard nitong Huwebes na nasamsam ang mga droga sa tulong intelligence mula sa iba’t ibang federal U.S. law enforcement agencies na nagturo sa kanila sa isang maliit na sasakyang pandagat na may kargang mga nakabalot na droga.

Isang Ecuadorian at dalawang Colombian ang inaresto sa kasong drug smuggling.