Irigasyon kakapusin

CABANATUAN CITY - Dahil sa mababang irrigation water supply ng dam sa Nueva Ecija, pinangangambahan ng mga magsasaka ang mababang ani sa darating na dry season.

Inihayag ng isang opisyal sa National Irrigation Administration-Upper Pampanga Integrated Irrigation System (NIA-UPRIIS) na higit na kailangan sa ngayon ang malalakas na ulan para madagdagan ang mababang water level ng Pantabangan Dam at may maipatubig sa may 123,000-ektaryang o service areas ng NIA-UPRIIS.

Ayon kay Engr. Florentino David, operations manager ng NIA-UPRIIS, magpapatubig ang Pantabangan Dam sa Disyembre 4, 2017, subalit may maiiwan pang 91,000-ektaryang bukirin na hindi mapatutubigan.

Nitong Miyerkules, naitala sa 201.55 meters above-sea level (masl) ang tubig sa Pantabangan Dam, at may maiiwang 32,000 ektaryang hindi maseserbisyuhan ng irigasyon ngayong taon.

Sinabi pa ni David na hindi maganda ang takbo ng irigasyon at may posibilidad na mawala ang may P4.8-milyong canvas ng palay.