Mosyon ni Revilla ibinasura

Ibinasura ng Sandiganbayan ang mosyon ni dating Senador Ramon “Bong” Revilla, Jr. na humihiling na tutulan ang kasapatan ng ebidensya ng prosekusyon at paikliin ang paglilitis sa kinakaharap na kasong plunder at graft kaugnay sa pork barrel fund scam.

Nagdesisyon ang 5th Division ng antigraft court na pagtibayin ang desisyon nito noong Disyembre 7 na nagbabasura sa motion for leave to file a demurrer.

Idiniin ng korte na matibay ang ebidensya ng Office of the Ombudsman na nais tutulan ng defense panel sa pamamagitan ng paghaharap ng kanilang ebidensya.

“The totality of these documents [presented by the Ombudsman] appear to be sufficient for purposes of denying the accused’s motions for leave of court to file demurrer to evidence,” saad ng korte.