Negosyanteng sabit sa carnapping, huli

CABANATUAN CITY - Isang prominenteng negosyante na umano’y sangkot sa carnapping activities ang naaresto ng pulisya matapos ikasa ang manhunt operation sa Barangay Kapitan Pepe Subdivision sa Cabanatuan City, Nueva Ecija, nitong Lunes ng umaga.

Pinangunahan ni Supt. Ponciano Zafra, hepe ng Cabanatuan City Police, ang pag-aresto kay Alfonso dela Cruz y Marcial, 47, binata ng nasabing lugar, sa bisa ng arrest warrant sa kasong carnapping, at walang inirekomendang piyansa para sa kanya.

Pasado 9:00 ng umaga nang dakpin ang suspek, na nakapiit na ngayon sa himpilan ng Cabanatuan City Police.