Bullet- proof vest sa Pangasinan cops

LINGAYEN, Pangasinan - Tiniyak kahapon ng Pangasinan Police Provincial Office (PPPO) na mas magiging epektibo ngayon ang pulisya sa pagpapatupad ng tungkulin dahil sa karagdagan nilang kagamitan, katulad ng mobile patrol at vest.

Kahapon, personal na ipinamahagi ni PPPO Director Senior Supt. Wilzon Joseph Lopez ang kagamitan ng pulis sa kampo sa Lingayen para sa pagpapaigting ng kampanya sa kriminalidad, kabilang na ang ilegal na droga.

Kasama rin sa tinututukan ngayon ng Pangasinan Police ang laganap na nakawan ng motorsiklo.

Aniya, mas mapapahusay ang serbisyo ng pulis sa karagdagang kagamitan at magiging mabilis ang responde ng mga pulis sa bagong mobile patrol at bullet proof vest ng mga ito.