Sandra Lemonon nakiusap itigil ang bashing
NANAWAGAN si Sandra Lemonon na matigil na ang bashing sa kanya man o kay 2020 Miss Universe Philippines Rabiya Mateo. Sabi naman ng netizens, si Sandra ang nagsimula ng bashing dahil sa mga post niya after madeklarang si Rabiya ang Miss Universe Philippines. Kaya ‘yung post ni Sandra na “This is also something I’d like to put a stop to. People hating/bashing/going below the belt & thinking that saying any of these malicious comments is okay. Nor will they have repercussions.”
Pinost din ni Sandra ang mga natatanggap niyang bashing na sinabihan siyang tatanda na lang siya sa pagsali sa beauty pageant na hindi siya mananalo. May nag-comment naman na ngayong nakatikim siya ng bashing, dapat itigil na rin niya ang mga pasaring sa Miss Universe Philippines.
Pero, may mga naghihintay pa rin nang ipinangako niyang pasabog sa katatapos na Miss Universe Philippines. Saan na raw ang pasabog niya? Kapag hindi raw nito inilabas ang mga pasabog na ipinangako, wala siyang isang salita.