‘Tulak’ dedo sa buy-bust
ISABELA – Natodas ang isang pinaghihinalaang drug pusher matapos umanong lumaban sa mga awtoridad at naaresto naman ang kasamahan nito sa National Highway, Barangay Antonino, Alicia, nitong Miyerkules ng hapon.
Ang napaslang ay kinilala ng pulisya na si Joseph Cordova, taga- Saranay, Cabatuan, Isabela, dahil sa mga tama ng bala sa katawan.
Ang kasama niyang si Patrick Karlo Gatan, 38, may-asawa, at taga-San Andres, Cabatuan, Isabela ay naaresto.
Paliwanag ng pulisya, nagsasagawa lamang sila ng buy-bust operation, gayunman, nakahalata si Cordova at binaril ang grupo ng mga pulis, hanggang sa magkaroon engkuwentro na nagresulta sa pagkamatay nito, dakong 1:55 ng hapon
Kakasuhan naman ng pulisya ang naarestong kasabwat ni Cordova.