Marshall Islands, nagtala ng unang kaso ng coronavirus
Kinumpirma ng Marshall Islands sa Pasipiko ang kauna-unahang mga kaso ng Covid-19, tinapos ang katayuan ng kapuluan bilang isa sa ilang mga bansa sa mundo na walang virus.
Inihayag ng gobyerno ng Marshalls nitong Miyerkules na ang dalawang manggagawa sa isang US Army garrison sa Kwajalein Atoll ay nagpositibo sa coronavirus matapos dumating sa isang flight ng militar mula sa Hawaii noong Martes.
Binigyang diin nito na ang pares - isang 35taong-gulang na babae at 46-taong-gulang na lalaki - ay walang kontak sa pamayanan habang nasa Marshall.
“We can assure the public that these are strictly border cases and were discovered while these people were in quarantine, where they remain until this time,” sinabi ni Chief Secretary Kino Kabua sa isang pahayag.
Ang Marshall, isang grupo ng mga isla at atoll na halos nasa pagitan ng Australia at Hawaii, ay nagsara ng mga hangganan nito noong unang bahagi ng Marso upang maiwasang mapasok ng virus.
Ang mga bansa sa isla ng Pasipiko ay mabilis na ihiwalay ang kanilang mga sarili, sa kabila ng epekto nito sa ekonomiya, sa pangamba na ang kanilang hindi magandang imprastraktura ay hindi kakayanin ang pandemya
Ang Solomon Islands ay nawala ang virus-free status noong unang bahagi ng Oktubre.
Dahil dito, pinaniniwalaan na ang malalayong isla na bansa at teritoryo ng Kiribati, Micronesia, Nauru, Palau, Samoa, Tonga, Tuvalu at Vanuatu ay virus-free pa rin.